歎踩環台單車遊 @Travel佳
不過，今次阿佳就受朋友邀請參加咗個另類嘅7日6夜單車環島遊，一方面完全唔需要安排沿途嘅食宿之餘，另一方面每日踩車路程亦只有幾十公里，全程踩215公里，加上高鐵、火車三鐵環台。
行程方面，涵蓋多個城鄉嘅人文景點，沿途更有車隊提供糧水、單車維修同領騎，亦安排好全程嘅交通接駁同最靚嘅踩車路段，實在滿足咗Travel佳又想體驗又要舒服嘅願望。
出發前，先講下個單車遊嘅背景，單車團搞手係立足台灣嘅老爺酒店集團，佢地多年嚟都主張令每一位旅客感受與別不同嘅在地風味，特別係渴望尋找當地隱世景點、感受鄉土人情味嘅一族。
喺創辦單車團之前，酒店已經用心設計過在地觀光團，包括以「獨立書店」為主題嘅一天遊，透過參觀鄰里巷弄間嘅小書店，混合品嘗同邊的特色小食，認識各地風貌；而呢個為期一星期的單車環旅行團亦已經舉辦過好多次，當中通過台灣文學、生態環境、歷史古蹟、原住民部落，令旅客更深入了解台灣，更成功將住宿體驗與在地觀光結合。
露天風呂舒緩疲勞
講番個行程，Travel佳最滿意就係沿途嘅住宿，7日嘅行程入面，每一晚都可以入住老爺集團旗下唔同主題嘅酒店，當中有三晚更加係入住溫泉酒店，包括台東知名嘅知本溫泉。
話說，當中仲可以感受知本老爺酒店享負盛名嘅露天裸湯「星月風呂」，夜晚循著兩側嘅日式街燈去到浸溫泉，伴著漫天星空，實在係最奢侈嘅享受。
台南行旅 搜在地好物
雖然話踩車遊台，以運動為主，但去旅行點都唔少得要買手信。老爺酒店喺安排行程時，特別考慮到呢個元素，行程第二晚入住台南老爺行旅時，大廳一側就有幅落地展示牆，名為「甘情商號」，即台語中嘅「感情尚好」，牆上嘅禮品都係台灣設計師嘅經典之作，一來將好作品推薦俾來訪旅客，二來也俾大家帶番屋企，當作獨特嘅紀念品或伴手禮，真係特別有心思。
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
