機艙Seems like fun 乘客應有的 娛樂 權利 @杜遊珍

上星期日日見報嘅魚翅航空，應該明白得失乘客、待薄員工、電話打極唔通都唔及得罪方丈咁大鑊，七宗罪天天輪迴見報，阿珍都食唔落咁多花生，講真，有曱甴飄過我都會發癲，但係機票超賣呢啲老生常談仲攞嚟鞭屍就未免有點那個，至於去到咁盡剝奪讀者知情權，搭飛機時我阿珍都唔會再攞實體報紙，一來份份都係建制報，二來阿珍都係坐 Econ多，掰開一份報紙睇同坐地鐵擘髀坐同樣缺德，以 iPad、Kindle或者 椅背電視仔kill time是norm是常識吧！講開Inflight entertainment，魚翅確係唔錯，港產荷里活日韓片都快，有《康熙》、《Big Bang Theory》時間超快過，想聽歌playlist亦選擇豐富，剛剛響Skytrax機上 娛樂 類攞第7名，如果餐膳唔計落 娛樂 一環都算公道！應該改進嘅包括講咗好耐都仲未有嘅Inflight Wifi，轉機指示版面勁難閱讀，同埋起飛前搵個養眼啲嘅機師空姐拍過條片同我新推出Marvel頻道齊集套超級英雄電影say welcome，咁就 perfect池喇！