本地 單車 遊記-國境之南太陽之西（中）＠Bike The Moment
廣告
離開梧桐河，我地就一直往北面邊境踩~
沿著梧桐河一路踩到盡頭，就會見到高高既電線杆同大水管。咁就代表你已經向羅湖買進左一大步，黎到左另一個景點：大水渠。呢度係一個專門俾人交收贖金既場地（sor…），都可以算係一個幾特別既地方，呢度你會見到頭頂有火車隆隆飛過，爬上水渠影相（小心d）就有獨一無二既風景。嗰日友人興致向無盡既盡頭踩，雖然我只係影相，不過都覺得好正
如果唔太曬都可以休息一下~
不過好快下一站轉個灣我地就黎到出名既羅太豆腐花，好多踩單車既人都應該聽過黎過。對於從未黎過既朋友，其實呢度係一個非常重要既補給站，呢度最出名既有＄10任食任添既豆花豆漿放題~~ 如果大家週末週日紅日黎既話，因為地點偏僻，附近不近民居，所以通常都會見其他踩單車或揸車既人專程入黎。不過提提大家，豆花係熱既無凍 xp除左豆腐花之外仲有餐肉煎蛋燶邊公仔麵，條邊燶得真係好透切，食完小休完我地就繼續出發一路向北~！
鏡頭一轉，我地就黎到呢條好靚既馬路，真係好似去左旅行啊!! 之後我地經過一d 好靚既樹蔭小徑，有一刻真係差d 忘記左自己係香港，左邊是小水塘，右邊是一片一望無際的草地，唔講真係差d 忘記左我地其實身處於香港。總括來講呢段路係最正最有feel 既重點之一~ 路面好平踩得好舒服，係馬路，有車，不過好少，大家互相禮讓就ok。另外間唔中會有一些村民或老伯踩單車經過我地同我地打招呼。
