【泰識玩】曼谷必到新蒲點一個商場滿足所有願望！@Travel佳

Dec 24 2018

(Presented by ICONSIAM)

以性價比高、環境舒適、美食見稱嘅泰國，一向係港人旅遊熱點，曼谷更接近係首選！今次要同大家介紹嘅全新蒲點就係坐落於曼谷嘅暹羅天地ICONSIAM，號稱斥資540億泰銖興建嘅世界級豪華購物中心，有多達600多個國際及本地品牌，一幢商場滿足晒所有願望！

美食篇：奢華環境配美食！全泰第一間蝴蝶袋CAFÉ

對我Travel佳嚟講，去旅行食得好係最緊要！而ICONSIAM裡面有很多間餐廳，分別位於公共美食區G層同4、5、6樓嘅美食區！ G層SOOKSIAM 暹羅樂城兩周輪換一次Menu，每次嚟都會有新驚喜，而且ICONSIAM仲有全泰第一間NARAYA蝴蝶袋嘅咖啡廳NARAYA CAFÉ，重點推介芒果糯米飯、荔枝果汁同埋炸蟹蓮花瓣。埋單時出示Passport仲可享9折優惠。

另外，記住要去打卡指數極高嘅美食區，中間有個通天瀑布每日都會轉顏色，每間餐廳都用枝藤裝飾包圍住，美食配美景，完美配撘！

Shopping篇：600多個國際及本地品牌

ICONSIAM有600多個國際及本地品牌，由H&M、COS 、URURBAN REVIVO、Nike等國際大品牌，去到充滿泰國風情嘅傳統工藝品、服飾、美食、首飾、香薰等，通通都應有盡有，買手信不二之選擇！如果你係Apple Fans，就記住去埋全泰首間Apple Store啊，對出仲有ICONPARK，打卡之餘仲可以欣賞湄南河風景。

視覺 + 聽覺享受篇：東南亞最大的光影噴泉表演

ICONSIAM將定期上映集光、影、音樂於一身，堪稱東南亞最大的光影噴泉表演。以泰國國王拉瑪九世普密蓬陛下作詞作曲作主調，配上大型光影同噴水效果，氣勢逼人。留意番，光影噴泉秀將於2019年1月正式對外開放！

Bonus Track：邊Shopping邊學習泰國文化

位於G層嘅SOOKSIAM暹羅樂城，喺泰語中有“幸福暹羅”嘅寓意，呢一層有齊來自全泰南部，中部，北部和東北部77個府嘅特色文化，美食同藝術產品，而且價格仲要Keep住係泰國街頭價！呢一層周圍都放咗唔同文化藝術品，每個藝術品旁都有一個QR Code，只需Scan下個QR Code就會有相應文化藝術品嘅故事介紹，滿足埋文青們的需要。