暑假去哪兒？@Travel佳

大家好！見到我Travel佳，就知道又有Travel嘢要同大家分享啦！

放暑假想近近地去個旅行，但又唔想咁貴？我Travel佳有好介紹！話說早排同個澳門朋友食飯，佢講咗好多澳門嘅新資訊，仲講咗新濠天地喺暑假有咩新優惠俾我聽，我Travel佳份人從來都唔自私，有好嘢最鍾意同大家開心Share！

「新濠天地日日有優惠」

新濠天地好闊綽！佢由星期一到日都有優惠！啲優惠重包羅萬有，日日唔同！包括週二「蘇濠」餐飲7折、週四任食和風放題兼無限暢飲生啤及週日「水舞間」濺水區門票半價等等！而我Travel佳推介以下呢兩個，第一個喺「蘇濠」週五暢飲，只要每人俾MOP 150就可以3個鐘暢飲超過20多種紅酒、白酒同啤酒，仲要款款都喺靚酒添！

另一個就喺「浪淘」池畔巴西燒烤自助餐！每人以超抵價MOP 378就可以食盡美國西冷牛扒、蒙古羊鞍、墨西哥腸，仲有各式各樣嘅海鮮同壽司刺身等各國美食！寫完都肚餓！

新濠影滙「創意積木模型展」

而家仲舉辦咗創意積木模型展，用LEGO^®砌咗嚟緊隆重登場嘅新地標 － 新濠影滙。今次展覽由首位大中華區LEGO專業認證大師洪子健先生主理，模型高達2.15米，動用超過100萬塊LEGO，真喺少啲心機都搞唔掂呀！仲可以憑手提電話號碼就可以換取一張Postcard，咁就可以同朋友分享呢個開心時刻！

「水舞間」公演五週年

嚟到新濠天地要去埋睇「水舞間」是常識吧！而今年更加係「水舞間」公演五週年！由即日起至30/9，用正價買成人門票一張，就可以優惠價$550買多張！另外新濠天地推出咗「水舞間」探索之旅同工作坊，俾觀眾一一了解後台嘅機關，仲可以化妝穿戲服，一嘗當演員嘅滋味！太好啦！我一直都好想知道點解個舞台點解可以乾得咁快！

澳門朋友仲有講到其他優惠，但真喺記唔到咁多！唯有自己上網睇下啦！

http://www.cityofdreamsmacau.com

新濠天地

地址：澳門路氹連貫公路　（顯示地圖）

電話： (853) 8868 6688