春日Pantone色，襯出粉嫩好氣息！@時裝貞

唔經唔覺又到S/S season，大家呢季諗好行咩style？裝備戰衣ready未？潮流呢家嘢，以為盲跟就work，咁咪錯晒囉！最緊要係搵到自己character，行啱路線，做最charming嘅自己。今年春天，一定係粉色系天下，睇2016 Pantone代表色—淺粉紅色同粉藍色就知啦！夾番啱自己嘅生活態度，食乜著乜跟住嗰隻色，擁有粉嫩膚色不是夢！

淺粉紅色—小資可愛風（代表蔬果：草莓，Pantone色號：Rose Quartz 13-1520）

唔係港女先做Pink Lady

鍾意淺粉紅色都唔等於嬌生慣養，反而令人更加精神有自信，可愛得嚟有輕熟少女嘅韻味，一於用今年大熱Pantone色推翻顏色死板印象！

1. 圓領短身針織上衣

短身衫有修身效果，突出身材線條，針織系一秒令你變斯文！

2. 草莓北海道奶露

生活壓力大冇晒胃口？香甜士多啤梨同幼滑牛奶perfect match，有效促進消化，吸收多啲維他命幫你增強抵抗力。

3. 粉盒

今季大熱妝容一定都係走粉色系嘅櫻花妝，可愛色澤提升成個人氣質。要keep住靚樣更加要個粉盒傍身補妝。

4. 方形斜孭袋

方形感覺大方得體，散發出成熟魅力，粉紅色都唔一定係小女孩。

粉黃色—氣質文青風（代表蔬果：白桃，Pantone色號：Sunshine 12-0727）

文青系女生繼續吸睛

成日俾人話外表斯文，其實內裡open？！慢熱不是罪，唔習慣一識人就攬頭攬頸！粉黃色呢種舒服又開朗嘅色調，賜你白桃嘅吸引力，親切度大增！

1. 針織間條毛衣

較高領嘅針織款繼續大行其道，配合春季換上醒神黃色，更有青春嘅氣息。

2. 白桃蜂蜜蘋果蘆薈甘露

藝術家脾性搞到飲食唔定時？Juicy白桃有豐富纖維，加埋蜂蜜同蘆薈，滋養又解渴，同時改善腸胃健康。同疲勞say byebye，自然面色有光澤！

3. 筆記簿

文人必備—紙、筆、乜……都要親手記錄低身邊嘅小確幸。

4. 仿皮小斜孭袋

仿皮質感俾人一種小復古感覺，將文藝氣息二度加強。

淺粉橙色—活潑知性風 （代表蔬果：番茄，Pantone色號：Flame Orange 15-1157 TPX）

跳跳札跳出comfort zone

大動作啲就俾人話粗魯？So what？！橙色證明你對生活有熱情，全情投入！女仔性格絕對唔係得1、2種，繼續瞓身享受同感受everyday！

1. 麻布質地恤衫

將知性味濃嘅恤衫以活潑嘅橙色展現，含蓄地張狂，仲唔係衣著宣言？

2. 番茄銀杏杞子鮮魚湯

成日對住螢光幕，搞到雙眼無神？番茄有抗氧功效，幫你重塑白皙膚色，夾埋銀杏同杞子就有明目作用，搵番對靈魂之窗，係春天最好嘅養顏湯水。

3. 潤唇膏

想化到流行漸變唇妝，首先要保養好雙唇，點少得潤唇膏？

4. 儲物小袋

零散物品周圍擺真係好易失蹤，醒目要用sharp色細袋裝起晒，方便易打理。

嫌粉色系太cute？唔緊要，低調作風就由酒紅色同你面色upgrade！

酒紅色—事業打拚風（代表蔬果：紅菜頭，Pantone色號：Marsala 18-1438）

女強人要做運動

又要湊b、又要打理家頭細務，身兼多職，賢淑淡定嘅酒紅色就啱事業型女性去表明態度，唔半途而廢，做運動減壓都要堅持、堅持、再堅持！

1. Sporty棉衛衣

運動已經成為呢幾年潮流元素，點可以無件Sweater嚟mix&match？

2. 紅菜頭姬松茸雜豆素湯

事業同健康一樣重要！呢款湯水可以清肝排毒，排走身體毒素，時刻保持最佳狀態，仲適合素食人士添。

3. 自備餐具

學今屆Oscar影帝Leo話齋，唔好當生活喺地球係老奉，自己餐具自己帶，錫環境錫自己，做人會開心好多。

4. 卡片套

有個似樣嘅酒紅色卡片套，介紹自己都自信啲，工作更加得心應手。

搵到你嘅專屬Pantone色未？

想試更多春日粉紅滋味，即刻去鴻福堂分店啦！