新加坡 x 潮州菜師傅 炮製地道 星馬菜 @Dining 娜
我Dining娜最鍾意試新嘢！最近有朋友話我知上年潮江春同潮庭好有口碑嘅「星潮尋味」又返嚟喇，咁我梗係要即刻call齊班friend去試啦！今年繼續Keep住高質，個個朋友食完都大讚，仲話下次要同屋企人再食過添呀，即睇試食報告！
必食檳城甘香炒蟹+星洲黑胡椒蟹
「星潮尋味」上年食完我好鍾意，不過係期間限定，好彩今年再出，仲有全新星馬風味菜式。菜單由新加坡客席名廚張偉忠師傅，同美心中菜團隊設計。餐牌上面最吸引就係炒蟹！好彩我哋夠多人，可以一次過叫晒檳城甘香炒蟹同星洲黑胡椒蟹。同樣選用斯里蘭卡野生肉蟹，夠大隻又好肉，肉質爽實，味道鮮甜。兩款都好惹味，食完好滿足！
蟹件啖啖肉，加入由蝦米、咖喱粉等調製而成的甘香醬，味道濃郁、芳香微辣，啱晒我呢啲鍾意食濃味嘢嘅人。
牛油同黑胡椒味滲晒入蟹肉，以高湯提鮮後蟹味更濃。
期間限定 新系列地道 星馬菜
講到 星馬菜 ，又點少得肉骨茶呢？唔講唔知，原來肉骨茶分兩種，分別係藥味較重的福建式，或以白胡椒調味的潮州式。呢度嘅肉骨茶係潮州式，特別用咗馬來西亞砂勞越嘅白胡椒，將其原粒炒香打碎，再加上多款香料同豬骨熬成，胡椒味濃。仲有肉脞麵都係必食，肉脞麵即係肉碎撈麵，材料有新鮮肉碎、魚蛋、豬膶等，非常豐富。我哋另外仲試咗松茸汽鍋豬肚雞、盆燒火焰烏頭魚同滷水豬頭肉，樣樣都好特別，出面未必食到！如果大家想一次過試多幾款菜式，最好就叫多幾個人，如果唔係叫得兩、三款就有啲可惜喇。
肉骨茶味道清甜，胡椒香味突出。
肉脞麵選用細麵，用少許醋同湯汁拌勻，入口甘香。
滙豐信用卡獨家優惠
唔好話我唔提大家，依家食「星潮尋味II」系列，用滙豐信用卡埋單仲可以有8折添，記得帶埋去呀！同埋今次都係期間限定，只係做到9月，遲啲就冇得食。
「星潮尋味II」系列
推廣日期：2017年8月1日至9月29日
推廣分店：全線潮江春、全線潮庭
優惠須受條款及細則約束
借定唔借？還得到先好借！
