日本直送催運水產陪你食住玩開年 @Miss Sunny

農曆新年人人都出盡法寶，務求喺新一年事事順利，大旺特旺！除咗大擦好意頭嘅中式賀年食品同埋「撈起」（馬來西亞賀年食品）外，原來新鮮味美的日本魚生都有催旺運勢的吉兆喻意！想親身邊食邊玩，雙重體驗呢個已有悠久歷史的日本文化傳統，就要記住1月25日至27日，嚟到中環四季酒店裡面嘅四季菊日本餐廳，參加由JFOODO舉辦一連三天嘅「日本・開運魚盛宴」活動啦！

試食不同風味幸運水產

我哋早前就請教咗JFOODO總監Hiroki Oizumi先生，邊啲日本水產有催旺運勢嘅神奇效果！佢就話：「喺日本傳統裡面，鯛魚係象徵長壽；油甘魚就有升職、成功和好運嘅寓意；而帆立貝就代表一帆風順嘅意思。」又話知道香港人好喜意食日本料理同日本文化，所以好歡迎各位熱愛日本美食嘅人士過嚟參與今次活動，一路試食三大日本直送優質催運水產，一路幫自己同家人開年催運！到時大家仲可以食到由著名壽司師傅，以不同烹調方式精心炮製嘅嘗味菜單。同場仲可以大玩多項互動遊戲同埋體驗特備環節，從中認識日本壽司文化，了解一下三大開運海產，點解可以食出好運之餘，又可以食出健康。想了解多啲就click入去 「同享開運魚的88個理由」互動網站啦！

「日本・開運魚盛宴」活動詳情：

* 嚐味時段歡迎walk-in，數量有限，先到先得。

日本三大催運海產遂個數

鯛魚：因鯛魚平均壽命長達40年，而成為日本人健康、長壽同幸運的象徵。為取得增福添壽、龍馬精神的好意頭，日本人逢年過節都必定會食鯛魚！其肉質嫩滑，據說仲含有豐富蛋白蛋同低熱量，是一種健康的海產和壽司食材。

油甘魚：又名 「出世魚」，日本語有成功嘅意思，而且名字會隨住唔同成長階段而改變，如Tsubasu、Hamachi、Mejiro、Buri等，簡單好似打工升職咁，所以又有升職、成功、出人頭地等好運寓意。因其魚油蘊含豐富DHA、EPA及脂肪酸，據悉能有效活化腦部。油甘魚肉質鮮甜肥美，想來年升職加薪、成功上位，就要多食來提升運氣、人氣同健康啦！

帆立貝：別名扇貝，因外形、泳姿同帆船好似而得名，在日本有揚帆御風前航、勇往直前嘅寓意！日產優質帆立貝出名鮮甜細膩，加上含豐富鐵、鋅、維他命B同牛磺酸，據說有助補血功效同紓緩疲勞！想今年事事順利、一帆風順，就要多食呢種鮮美嘅幸運水產。

「同享開運魚的88個理由」互動網站：https://seafood-jfoodo.jetro.go.jp/88reasons/