旅行黑仔左點算之好心情需要練習@陳細細
出發前做資料搜集, 看到不少遊記都說對這個整個市中心被聯合國教科文組織列入世界遺產的城市感到失望, 因為這個城市已經完全為了遊客而運作, 四處不是賣紀念品就是並不是很有趣又收費不菲的「博物館」,也有人說那條黃金巷, 卡夫卡的屋子就只是這樣啊。除了拍照也沒有甚麼了。完。
老老豆豆, 我去旅行時也時不時會經歷「小失望」, 比如剛好吃到一家中伏餐廳; 酒店wifi 失靈; 千辛萬苦去到景點卻吃閉門羹; 或者更無聊, 那天狀態不好, 沒有拍到好看的照片, 就唔開心。係呀, 甚麼都垂手可得的我們都經不起「號外」, 太習慣投訴, 讓壞心情滋長。
今次旅行不知何故, 博物館, 教堂, 觀景塔, 個個景點都無開門, 還被小店呃左車票錢, 我在因大雪而停駛的登山纜車前大叫: 嗚!!!!!激死人喇! 身邊那個法國人卻一邊扮 happy snow man 一邊提醒: 「我們仍有好多開心的理由, 行上去囉! C’est la vie!」。因為又濕又滑又要繞路, 跣住走了個半小時才上到市中心的佩特任山, 行行下見到有孩子在滑雪坡問我們要不要玩, 於是我們玩到坐左纜車就無得玩的遊戲, 又行行下, 山林中剩返我們二人, 可以細細聲講下心事, 唔駛同人迫, 又可以扮 elsa 鬼叫 let it go 唔怕比人笑。又行行下, 個人想通了, 覺得剛才的失望好蠢, 我總是因為壞心情而錯失身邊的好事。明明眼前是我恨左兩個冬天的白色風景。
然而落山的路更加跣到喊, 我們走過一段完全被冰封的樓梯, 著住平底靴的我行一步跣一下個人又開始頹。千辛萬苦落到山, 法國人馬上拉住我去試街頭小食, 因為頭先行山太辛苦啦, 這個黃金飯前小食是完美 reward! 不要想 calories 了! Oh whatever you think, think the opposite! 本來可以是看成是黑仔日, 換個想法又開開心心過, 好心情其實相當需要練習, 去旅行把人人都去過的景點變成你的獨特深刻回憶也需要練習。之但係當晚我叫左個貴貴 Prague style 蕃茄牛肉意粉, 姐係, 肉醬意粉 (咿你咪係中華照燒豚肉炒北海道農場有機蛋姐係叉燒炒蛋個 friend?)。唔緊要啦! 有得講出黎大家笑下咪幾開心!
– 那個周末剛好遇上 snow shower, 其實宜家諗返, 係開心既。
– 當日下午係負13度, 街頭畫家仍然搵緊食, i respect them.
-落大雪, 細路拿拿聲帶著他們的滑雪兜動
-我以為我對鞋可以走天涯, 點知防滑完全無料到
– 開心街頭小食 外脆內軟既麵包仔, 值得一試
– 第二日誤打誤撞入左間 local 到不得了既餐廳, 主打波希米亞菜, 好味到喊
佢地有好多唔同款咸蛋糕, 英文名叫 dumplings, 一定要試呀! 但唔好在遊客區試。
facebook.com/crepes.de.france.and.alyse
instagram.com/alysechansaisai
延伸閱讀：
