4個去新西蘭必到之地！租露營車玩都好鬼易！
「日日望住空氣污染指數創新高、放lunch抬頭剩係望到高樓大廈，仲有放工永遠都天已黑。」咁樣嘅打工仔香港真係一街都係，聽到都覺得抑鬱呀！所以好多朋友問我Travel佳去邊度旅行好，我幾時都推介大家去啲可以擁抱大自然，睇到湖光山色仲要地大人少，完全畀到你寧靜嘅地方旅行。Sorry知道大家仲未去到瑞士換山區肺，但係匯率低嘅 新西蘭 就完全滿足到大家，大家不妨睇吓我以下4個 新西蘭 必到之地，先再plan行程都唔遲！
1）玩到癲皇后鎮
如果你第一次去新西蘭，時間又唔多，但好貪心想玩好多嘢？我心水必到第一位當然係響新西蘭南島嘅學笨豬跳發源地皇后鎮，嗰到除左靚到連英國威廉王子夫婦都要帶埋小王子旅行，仲有九萬幾樣嘢玩！我試過玩被稱為睇到世界最靚景色嘅跳傘，可以提吓大家坐直升機上天嗰陣景色係最靚㗎！除此以外噴射快艇、四驅車等等刺激玩意真係驚你玩唔晒！
2）奧克蘭小島歎酒
奧克蘭係新西蘭北島最大嘅城市，有啲人唔識玩又或者就咁睇相會覺得奧克蘭只係舊版香港嘅中環，但被稱為「帆船之都」嘅奧克蘭擁有世界聞名嘅高橋港，每年都係舉行美國杯帆船比賽嘅場地，另外愛酒之人一定要去擁有超過20個酒莊嘅懷赫科島參加當地嘅紅酒團，除咗有酒莊主人講解外，更有試酒及酒莊午餐環節，而且島上有一Oneroa Beach沙灘可以望著海天一色，無邊際嘅太平洋，歎嘅感覺，真係此生難忘！
3）哈比人不死之旅
除咗Kiwi雀仔係新西蘭標誌，成日重播嘅《魔戒》系列都相信一定係代表！尋找哈比人足跡當然要到北島Matamata嘅「哈比人村」啦，除咗有哈比人農場、菜園及居住嘅哈比洞大家可以留影之外，大家可以留意洞上樹葉原來全部都係假，每一塊都係電影工作人員逐塊貼上去，真係幾可亂真呀！
4）最美中轉站威靈頓
如果你想玩晒南北島，基本上最多人選擇嘅方式都係到北島嘅威靈頓搭渡輪，但威靈頓絕對係一個令你停低幾日嘅地方。因為威靈頓小鎮上面充滿住19世紀嘅木造小屋及裝飾藝術，慢慢散步都可能不知不覺消磨半天，而且威靈頓素有「風城」之稱，想體驗浪漫感覺嘅最佳交通工具就一定要坐喺有一百年歷史的嘅紅色纜車，車程雖然只有8分鐘，但可以欣賞小鎮嘅天際線同遠眺港口，是一個洗滌心靈嘅好地方！
好玩貼士：自駕露營車先夠free!
當地巴士時間一日可能得兩班，走咗班巴士可能就浪費成日，最潮嘅自駕遊就一定係揸露營車！不過因為冇時間同唔想煩，我上次就直接參加咗專業旅運的「新西蘭露營車5天自由行」可以一次過選擇2至6人不同款的車種，又已包野餐桌、GPS租用費同保險等，真係方便好多，大家不妨上專業旅運網址參考吓！
新西蘭航空 與你同行50載
文：新西蘭航空每日直飛香港與奧克蘭，帶你暢遊新西蘭南北島20多個目的地。不論是選乘舒適尊貴的豪華公務艙，屢獲殊榮的豪華經濟艙，還是舒適愜意的經濟艙，都可以在旅程上悠然享受新西蘭獨特的熱情好客服務及品嚐美酒名饌。
新西蘭套票推介：
「新西蘭露營車5天自由行」
http://www.texpert.com/tc/showPackageDetail.asp?Uid=1916
「奧克蘭 + 羅托魯亞 ．北島3晚自由行」
http://www.texpert.com/tc/showPackageDetail.asp?Uid=2421
「皇后鎮．3晚自由行」
http://www.texpert.com/tc/showPackageDetail.asp?Uid=2422
專業旅運自由行
查詢：3700 2618
