新年要送日本最強生果！@Dining娜

(Presented by 一田)

年又過年，共慶歡樂年年！唔使surprise我竟然識呢首歌，雖然我鬼妹仔性格，但唔好誤會我唔會過Chinese New Year，好似外國Thanksgiving一樣，一年有一次機會，大條道理同班親朋戚友嚟個gathering，咁難得，點可以錯過！

除咗煩新年點stylish地mix & match出一身靚紅色，最頭痕就係買咩賀禮上人屋企！話晒我都叫娜姐呀，點可以是是旦旦買啲嘢去拜訪姨媽姑姐、叔伯兄弟呢？經過一輪超級市場、百貨公司嘅明查暗訪，終於俾我揀到送禮最佳選擇－－日本生果！

喺人都知日本生果出名甜，但今次同大家分享嘅生果禮盒唔止甜咁簡單！

極甜！士多啤梨界紅寶石

宮城紅寶石士多啤梨禮盒Platinum（6粒）

一粒一粒色澤紅潤、呈圓錐形嘅士多啤梨，好似首飾箱入面嘅寶石，井井有條咁排放喺盒入面。一打開，士多啤梨香味仲即刻湧出嚟添！而且Platinum級糖度仲有成15度以上，名副其實係一粒擺得落口嘅紅寶石呀！日本炒到成1,000円一粒，喺香港都想食？搵一田啦，得佢獨家賣咋！

極罕！甜到生銹黃色蘋果

岩手縣冬戀蘋果禮盒 （9個）

淺黃色嘅蘋果，唔好話見過，真係聽都未聽過！無他嘅，因為呢款「冬戀」蘋果產期極短，唔淨係顏色特別，驚喜喺你切開一半時出現！千其唔好以為果芯生咗銹唔食得，深黃色部分其實係「蜜入」狀態，係果糖集中地，糖度高達15度以上，真係甜到入「芯」！

極大！百中無一罕見蘋果

青森世界一蘋果（極選）木箱禮盒

每個apple都份量十足，沙煲咁大個嘅蘋果就係佢！平時香港都係多「特選」級別，但今次「極選」真係零舍唔同，無論係外型、色澤、甜度都要係best of the best，先放得喺為一田特別打造嘅木箱入面，送禮夠晒氣勢！

以上呢3款生果喺27/1前去一田eShop先訂到（http://egift.yata.hk），連門市都冇，夠晒矜貴，仲免費送貨添！

想辦埋年貨，但怕重拎唔晒？唔驚，上一田eShop（https://eshop.yata.hk/），貼心有齊大堆日系禮盒，夠$500就有得免費送貨，方便又快捷，今個農歷年仲唔happy！