扭蛋 價值＠Permanenze

扭蛋 ？

沒有人知道這道問題的答案，大家都靜下來。

此時 Alize 開始整理沙錘要用的材料及工具。她一下子把所有扭蛋、木筷子及沙紙拿到檯上，再把熱熔膠槍開著。

她又拿起蛋殼，仔細的看。

「哎呀， 扭蛋 佢都上左檯喇？」飲筒正爬出紙箱。

「係，佢同筷子都上左去。」鉛筆說後，說把目光向上移，望向檯上。

飲筒腦裡慢慢憶起剛來到工作室的第三個晚上，他和扭蛋的對話。

「你⋯⋯有無諗過搵個方法去知你入面果舊係咩野黎架？」飲筒指著扭蛋問。

「呀⋯⋯咁又無呀。有咩方法呀你？」 扭蛋 問。

「我都無，我只係諗我地黎到呢度，可能好快就俾佢地班人拆散晒，咁就死左，所以想睇下你有無諗下死前去知下自己身世即。」飲筒。

「哦，我無辦法架，以前問鉛筆，佢都無計，我一開殼就死，應該都睇唔到入面係咩野，唉⋯⋯」扭蛋搖頭嘆息。

「有陣時個世界就係咁，你好做既野，會因為好多原因制肘，令你做唔到，你永遠都做唔到，令人無奈。」飲筒慨嘆。

「或者有啲遺憾，先至係人生。」扭蛋低頭。

「你個殼透明架喎，應該有方法睇到！」

「弊在啊，個袋仔係黑色，又有膠紙封住呢。」飲筒回答。

「你答緊邊個呀？」扭蛋問。

「？」飲筒和扭蛋感到一陣涼意⋯⋯

「我喺呢邊，對唔住我比較幼所以難睇到我，希望無嚇親你地。」竹籤說。

「哦，嚇死我⋯⋯你好。」飲筒。

「你頭先話有方法知道我既身世？」扭蛋上前問。