手提行李 尺寸縮 登機過程零幫助 @杜遊珍
廣告
上星期除左新沙士疑襲青衣城， 國際航空運輸協會（ IATA）宣布新指引，建議將 手提行李 尺寸，修改為不得超過55×35×20厘米的新標準，同樣惹起旅遊人士的恐慌！
目前每家航空公司的 手提行李 箱尺寸規定都唔同，以港客最常乘搭的國泰、快運等旅空公司為例，在新標準下，行李體積將會縮減17％，網民反應都相當激烈，唔少人因為剛剛買左新篋大叫嬲嬲豬，亦有人大鬧會益左航空公司變相掠水，好彩之後國泰公開話暫時唔會作出任何調整（ 不過講係現階段咋……），令到網民都無咁緊張。
IATA 話咁做可以解決機艙放置行李的擠迫情.，上星期阿珍同幾個姊妹茶.講起，大家都一致覺得把鬼，姊妹J一針見血咁話：「個篋Size 細左又點，Airlines 夠規定免稅品包括在手提行李內，但空姐執得唔緊都無用，依家好多人除左拖住件塞到爆的手提行李，仲拎多兩三大包Duty Free袋， 上到機就老奉咁隊畀空姐要人砌掂佢，個副嘴臉仲乞人憎過坐地鐵唔讓座的港女！」
唔係阿珍幫住班空姐朋友，事實上登機程序咁急，遲左閂機門又要寫Report，又難怪空姐理唔到行李超量呢個問題。聽聞達美航空部分內陸線會係今夏嘗試於登機閘口preload 手提行李，加快上機過程，如果成功的話，真係好值得各大Airlines 參考。
