我最頂唔順的空中電影@杜遊珍
廣告
每逢搭長途機，阿珍都好關心椅背嘅電視機仔有咩戲睇，通常個零鐘完場嘅賤嘴愛情Chick Flick已經好能夠滿足到膚淺嘅我！（估到結局更好，最怕死唔斷氣、臨落機先嚟結局扭橋，好Hurt！）
呢幾年機上娛樂系統容量大升級，百幾套電影劇集任揀、不知幾咁閒，航空影片發行更加係接近30億美金嘅大生意！不過唔同Airline都對機艙片目有唔同程度審查，任職發行公司嘅買家T就最熟行情：「星馬航班最忌同志片、中東航空不但性感免問而且連煎豬扒劇情都要剪走、歐陸客頂得住裸露但對血腥暴力就接受唔到……」發行商經常要喺後期「做手腳」，血腥場面變黑白、捽走對家航空公司Logo、粗口對白字幕打格，務求做到百貨應百客咁話！
《冰雪奇緣》
主題曲勁洗腦（連中秋電子燈籠都係播佢！），分別列入英航同United今年「點選Top 10」榜首；但如果喺機艙、遇上公主病童高歌無限loop，真係人都癲！
By the way…］
自從可以攬住iPad搭飛機之後，好多朋友都唔再關心機上有咩戲睇，自己撈劇自己煲，不過有次遇上一對父母同個仔睇《喜羊羊》，開大喇叭唱歌念力打敗大灰狼，機艙變家庭影院，都幾無公德心囉！
