我愛食譚仔不等於你愛食譚仔＠為何斯德哥爾摩沒有譚仔三哥

其實完全唔係。同好多人一樣，我都曾經暗戀過單戀過失戀過乜春都有，由細到大都唔知hurt過幾多次。
我最鐘意食譚仔竹笙酸菜加炸醬另上，閒時喜歡係屋企撚下貓上下YouTube，睇下公子打機講粗口。番工放工，同同事係飛機度吹下水，__下公司個編嘅duty有幾衰。我冇九一分界，冇曬黑，冇女神造型，冇係A&F做過part time。我冇like亞歷山大阿媽facebook，對mix小朋友冇特別憧憬。
我同我男朋友相識完全係偶然。神奇在自我地相識果日開始就已經成日同一秒撞同一句說話，前後order同一樣野冇夾定，好多野都不謀而合。

以上講果啲嘢除咗想曬命之餘，想話比大家知好多時真愛不能強求的，亦冇所謂formula。同時呢啲說話其實真係聽唔少：「嘩，鬼佬好亂架喎」「下，你食得佢住架喇？」「我又想同鬼佬一齊呀，我想生mix，教我」
我實在受夠，根本每個人性格都唔一樣，點樣教？喺香港亦唔係個個愛譚仔，日本人唔係個個喜歡壽司，俄羅斯亦唔係全民好揪。成件事與國藉無關，有關嘅係性格同timing價值觀乜乜乜。試下調番轉如果你另一半係因為你國藉先揀你，成件事有幾心寒？
將來發生咩事冇人知，有另一半嘅請好好珍惜，冇嘅話就愛自己同屋企人多啲，學識感恩，同關心下政治啦。btw聽講俄羅斯想打瑞典添呀，呢個時勢根本邊度都冇得避。

各位保重。