我唔係無所謂，只係想你揸主意＠小盛女

「無所謂呀，你鍾意呢？」男友Mike說。
「日本嘢？」我說。
「好呀。」Mike說。

「食咩好呀？」我邊看餐牌邊說。
「無所謂呀，你想呢？」Mike說。
「我想食鰻魚飯，你呢？」我說。
「你想食咩我就想食咩，你揀啦。」Mike說。
「唔係呀，我係問你想食咩呀，次次問你你都話無所謂，我做你女友咁耐我連你鍾意食咩我都唔知。」我說。
「咁你揀三樣你想食嘅嘢畀我揀。」Mike說。
「……唔係咁呀，點解你連揀嘢食都咁無主見㗎。」我說。

還記得曖昧期的時候，Mike都會預早上網找找哪間餐廳有好東西吃，並逐一介紹，有吃環境的浪漫西餐廳、傳統中式粵菜酒家、地道大牌檔、創意fusion cafe等等任我選擇，去到餐廳還告訴我哪些是必吃招牌菜，像一個識飲識食的食家，我問他是否經常周圍食好西，他說非也，只是有上網做功課而已，我當時便想：「呢個男人都幾細心喎。」

後來拍拖久了，我才知道他在食方面原來是有嚴重的選擇困難症，每次問他想吃甚麼他都只會答沒所謂，所以平日都是我決定到哪間餐廳及點甚麼菜式，就算我看了整個餐牌，由百多樣篩選至三樣給他選擇他都會覺得很苦惱。幸好他和一般人不同，他的沒所謂是「真」沒所謂，不會在我說吃日本菜時他說不吃魚生，我說打邊爐時他便說熱氣。平日如果他自己一個人吃飯的話，就永遠只有豆腐火腩飯和芙蓉蛋飯兩個選擇，從來不變。

最初我仍然會堅持要他給意見，但後來慢慢都放棄了，其實我自己決定吃甚麼更爽，而且閒時我也喜歡上網看看有甚麼好評的餐廳。有次我們說笑地問對方如果從來沒有認識過大家，一切會變成怎樣，我說他是一個只會叫豆腐火腩飯的毒L，他則說我是一個只懂得寫怨婦文的宅女。

「喂，點解你成日都話無所謂㗎，做男人要有啲主見㗎，唔係女人會覺得你好優柔寡斷。」男友死黨阿邦小聲地說。
「其實我唔係無所謂，只係想畀女友揸主意啫，佢好鍾意食嘢，你知啦兩個人又唔叫得多，我咪畀佢揀多幾樣自己鍾意食嘅嘢囉。」Mike說。
「其實係佢懶搵餐廳又懶諗食咩咋嘛，又唔見佢追我嗰陣係咁？」我說。
「咁我乜都唔使諗又有好嘢食真係幾幸福嘅，嘻嘻。」Mike說。

凡事總有兩面，當你一直以為都是自己在為另一半付出的時候，可能對方已默默為你付出更多，請好好珍惜那個時時為你著想的人。