【情人節攻略】韓國空降冧豬心形韓牛@Dining娜

撰文：Dining娜

學化骨龍（張家輝）話齋「鑽石與黃金，都唔及我一片真誠與真心。」情人節喺紀念日排行榜只係僅次於第1名嘅女朋友生日，點可以唔花啲心思好好準備！當全世界都為咗情人節嗰一餐而頭痕，為咗利人利己，我決定喺度分享一間情人節必試嘅餐廳，幫你成功捕獲囡囡個心。

近年韓風吹得㷫烚烚，繼心形劉海、心形手勢之後，情人節梗係要帶女朋友去食矜貴嘅心形韓牛啦！韓牛有幾巴閉？喺韓國，每一隻韓牛都由專人服侍，由佢哋出世、飼養、屠宰、加工過程都有清楚嘅紀錄。

炑八韓烤就出咗勁抵食$620心形韓牛2人餐，有愛心形嘅1++韓牛雪梨伴生牛肉，完全冇腥味嘅生牛肉連雪梨絲夾住一齊食，沾上生雞蛋同芝麻味道好特別！

套餐仲有牛肋肉、春川雞、炑八五花腩、大八爪魚、海帶子、大蝦、情人節特飲，同最尾有個韓國冰沫做甜品，簡直寫咗個完美嘅句號呀！

後記：
其實肥水不留別人田，韓國政府梗係有限制韓牛出口啦，以前想食要直飛韓國先有㗎。咁點解有得食心形韓牛？原來炑八韓烤喺上年年尾同韓國政府代表簽咗諒解備忘錄，成為唯一直接進口韓牛嘅香港餐廳，全線炑八都會有韓牛供應，千祈咪走寶啦！最後祝大家有個勁sweet嘅情人節呀！

炑八韓烤
分店及電話：
銅鑼灣黃金廣場（2725 5718）、灣仔冠景樓（2499 7577）、灣仔克街（2831 9098）、尖沙咀太興廣場（2723 7313）、旺角瓊華中心（2395 2730）、太子歐亞銀行大廈（2390 6822）、九龍城太子道西（2716 0120）、荃灣周合成大廈（2527 1393）、沙田偉華中心（2465 9055）

Facebook: meokbangbbq