怪獸家長聽得多，怪獸男友你又見過未？＠小盛女

「唔准去，危險！」男友Mike說。
「得啦我會小心啲唔會整親。」我說。
「嗰度咁多男人，實畀人撩，總之唔准去！」Mike說。
「我公司夠多男人啦，又唔見你叫我唔好返工？我應承咗人喇，一定要去。」我決絕地說。
「咁我陪你一齊去！」Mike說。
「你唔好咁煩啦，去邊都要跟住晒！」我說。

Mike可謂「怪獸男友」，極度大男人，又專制，基本上我和男性朋友出街都要預先向他取得通行證，不但要報告時間、地點、人物關係及背景，還要不時留意電話，看看他有沒有whatsapp我，因為已讀不回是死罪。任何有機會接觸異性的地方他也不想/甚至不准我去，我懷疑他其實想把我困在屋內當寵物養，可是小妹是「束縛不來如人馬座」，所以剛剛拍拖時經常都會為這些小事而吵架。

「我咪同你講過好多次唔想換部電腦囉，你而家買部新嘅返嚟即係焗我換啫！」我生氣地說。
「你部電腦用咗咁耐都係時候要換㗎啦，我都係為你好啫。」Mike說。
「就係因為用咗好多年，有感情先唔想換，而且都無壞！」我說。
「有咩感情，新同舊咪又係一部電腦，遲啲你就會感激我㗎喇。」Mike說。
「你覺得係為我好，但其實我一啲都唔鍾意、唔開心，我用電腦只係寫文同玩Facebook，你換部勁到專係打機嘅畀我有鬼用？」我說。
「咁你以後唔好再呻話我無畀驚喜你。」Mike說。

我當然知道他是為我好，想把最好的給我，出錢又出力，我不欣賞還要罵他，注定又會被罵是極品港女，但問題是我真的不想要新電腦，而且我已經說過十萬次我不想換，但他還要先斬後奏，然後一副「我比你成熟，我知道這是為你好」的口吻來對我，即使我的電腦有一天真是壞了也是我自己活該，沒有聽他的勸告，但至少我有選擇權，正所謂「條路自己揀，仆街唔好喊。」

可能你覺得為了這些芝麻綠豆的小事而吵架未免有點小題大造，但積少成多，小事都會變大事，從這些瑣事當中，你會突然發現原來大家根本不了解對方。玩不玩kick-boxing、換不換電腦從來都不重要，重要的是對方有沒有真正聆聽/了解過自己的想法，還是自我中心地去逼你去接受他那一套。兩個人相處，最重要的是溝通，有商有量，而不是一個人說了算，如果拍拖後便失去選擇的權利，那倒不如自己一個更快活？

《原諒他77次》電影截圖