【快啲食啦! 凍晒喇】童年味道媽媽靚湯 健康私房菜~Dreamix廚＠大仁生活
從沒想過在觀塘「大盛」樓上, (劣食料理好得人驚),有間如此一間非常家, 非常健康, 非常環保的的溫暖私房菜存在.
「Dreamix廚」由King負責廚房, Sindy則主打湯水, 及甜品. 家庭式私房菜, 真播著貼題的「愛‧回家」,原來是大廚King落場時重溫的.
Sindy:「佢好鍾意睇㗎」(唔怪得E度咁誰家灶頭FEEL啦)
因為我知道今日今菜乾豬肚湯, 所以前一日就留位. 一邊用隔油壺幫我盛湯的Sindy:「個湯我今朝7點就煲架啦, 你睇下得唔得
呷一口豬肺湯, 登時湧出30年前, 在伯娘家喝湯的味道, 「潤, 清, 滑, 甜」的, 好飲到要即時添多一碗的菜乾豬肺湯.
Sindy:「我係一名70後, 當年屋企好注重煲湯, 日日都煲菜乾, 西洋菜, 蕃茄薯, 不過E家D菜無味嘅, 你覺唔覺得, 但係我都想多D人可以飲到湯…(拍檔大叫: 幾時煲章魚蓮藕呀?), 得啦! 知道啦…下個禮拜啦」(這裡的員工福利真係正…我都想嚟做)
本來在新界東北經營農場的她們, 因為政府發展, 被迫要另謀出路, 於是便在觀塘辦私房菜.
Sindy:「我哋係成業街做咗年幾,D客成日投訴個單位太細, 訂唔到位, 於是兩個月前就搬嚟E度囉」
今日好好彩, 原來蝴蝶腩好難食到,Sindy解釋:「豬肉, 蝴蝶腩一定要訂, 因為街市唔係成日有靚嘅…」.
蘿蔔忟豬肉, 入口直情較牛腩更腍, 肉質超超超嫩. 心諗:「豬腩咁鬼好食嘅咩, 又滑, D筋又唔肥, 真係食遲咗幾十年好嘢」
蓮藕餅煎得香噴噴, 碎粒爽脆, 我絶對有理由相信, 跟小學時湊我的「滿姐」手勢一模一樣.
咬一口肉餅, 從前等齊人, 規定要關電視才食飯, 最後一定要乖乖食畢全碗飯, 才可以離開飯枱的情景, 瞬間重現腦海, 真回憶就是這種味道.
Dreamix廚每日有4款午餐, 2款肉, 1款素, 1款粗糧餐, Sindy:「幫助腸道蠕動, 一個星期食一次粗糧餐最好」
不過, 雜食仁今日沒有揀健康餐.(我係米好唔健康?) Sindy答:「我叫你一星期一次, 咁你嚟多幾次米得囉」, (又係喎!)
(係米午市/晚市都要訂位呀?)Sindy:「晚市一定要呀, 午市就我會煮大約30個餐, 留咗位就一定有, 如果唔係可能一點之後嚟, 都無晒」
這裡的靚湯, 愛心涼茶, 白飯全部都可以加配!! Sindy:「通常有多就一定可以添,但D湯, 同飯好多時添一次,
就好快無晒囉…不過饅頭就要即蒸, 所以時添唔到」(哎呀!你有練奶, 我真係可以食10個呀!)
套餐有飯後果, 雖然只是三瓣新奇士, 但齊齊整整預先去皮, 掉衣…這真的是當年爸爸幫我將橙去皮,
「叫」我食生果的似層相識手技.
雞骨草雪梨茶, 絶對是因為吃完煎炸食物,Sindy為我們而設:「你飲晒我再添比你啦!!」
我問:「你最拿手係煲湯, 定係涼茶?」她的同事大叫:「佢最叻整甜品, 椰汁糕, 我哋都等緊」
之後這裡還有手工皂, 利是封, 酵素清潔濟等等的工作坊…
King說:「D清潔濟係我太太做嘅, 用嚟同我囡囡間學校籌款, 我煮完嘅瓜, 生果皮就放埋一邊, 發醇三個月就畀太太做清潔濟囉」(下次有機會我都要嚟學吓嘢先得)
地址:觀塘觀塘道404號時運工業大廈11樓E室
電話:2668 2480
午市: $58-$68
晚市: $350一位
