必讀，團遊反伏錦囊！@Travel 佳

Bula Bula Bula Bula！（斐濟語你好，Bula愈多愈親切），my name is Travel guy，call me 佳 🙂

第一次同大家見面，而家喺斐濟玻璃水海灘上，飲住香蕉Liquor寫呢篇專欄，用3G send返香港，其實真係好鬼慢。見面禮當然要準備啲行內嘅gossip同各位網民分享！

話說早排嘅旅遊展，係一年一度業界盛事，Travel佳當然一連四日都落場，呢段時間場內外都特別多酒會，自然遇上唔少行家，聚舊之餘除咗提及港男去日本睇相撲中伏變咗肉靶嗰條TVC外，仲討論咗好多網上熱傳嘅旅遊中伏事件，席間仲有人大呻屋企人跟團嘅不爽經歷。講到咁上下，旅遊界嘅佼佼者瀛仔就有感而發，拉我埋一邊「些牙」咗幾招反伏錦囊俾我，叫我記得同fans開心share，出去識玩啲咁話！

反伏1：便宜莫貪 魔鬼在細節

長踞中伏陷阱嘅榜首，出發前先知機票唔包行李費；上到飛機又無餐飲、無娛樂提供，Travel佳仲試過帶嘢上飛機食俾空姐話！係咪激到一肚氣先？講到尾，一切細節盡在不言中，唯有要樣樣留意先play safe，切記平嘢唔代表一定好嘢！

反伏2：自保荷包 謝絕海鮮價

經Travel佳親身查證，原來部分旅行團無論官網專頁，或宣傳單張都無標明實價，客人要自行問價，團費可升可跌；飛到當地又話要自費乜乜乜，幾時都話搵間透明度高、明碼實價嘅旅行社好重要。

反伏3：質量取勝 潮玩主題遊

唔想跟團暴走景點，走馬看花睇名勝，各位可以試試參加新興嘅主題遊，精華體驗幾項焦點活動；例如日本滑雪團，導師唔單止講流利廣東話或普通話教學，5日行程仲俾你滑足3日，要樂活、要有深度，去旅行先在行啲嘛！

喺呢個環境下，真係唔想講咁多，下次再「些牙」多啲旅遊軼事俾大家啦！Bula Bula Bula Bula！

東瀛遊
查詢：3692 0888