由藝人開設既新蒸氣石鍋店！@hkfoodiexblogger
廣告
近期天氣忽冷忽熱，仍然係一班朋友食火鍋既好時機！得知呢間由Instagram超過29萬followers既Ava黃子菲小姐開設既蒸氣石鍋店,所以去左試下。打邊爐有時候係咁食，唔多唔少都會驚肥。不過呢，蒸氣石鍋可以令我唔諗呢個煩惱！近期去左尖沙咀新開幕既疍家佬蒸氣石鍋專家試下，整體水準都算唔錯。
蒸氣石鍋比傳統火鍋更為健康，原理係利用蒸氣蒸熟食物，時間調節亦重要，等食材唔好過熟，而唔同食材既精華就會落左去下面既湯或者粥嗰度，當食晒所有食材後再飲湯或粥時就可以嚐到之前食材既汁同鮮味。
黃金涼瓜，有唔少人都唔食涼瓜，因為佢地都頂唔順苦味。不過呢度既涼瓜外層薄脆，有鹹蛋黃香，而且涼瓜多汁亦唔算很苦。
響鈴，即叫即炸，由於即刻炸起，質感確係幾脆身。
叫左兩款丸同餃子品嚐。首先係一口特式五寶丸，蒸完之後，質感頗為彈牙。至於菌皇松露帶子餃，松露味道幾香，而餃既外皮記得趁熱食，否則會逐漸變硬。
黑松露蒸雞，呢度係一隻既份量。松露味幾香，雞蒸完之後幸而肉質仍然幾嫩滑而且夠鬆軟，唔會好chewy。
海鮮方面時價，叫左元貝，蟶子同龍蝦等。
安格斯牛肉肉味幾濃，蒸短時間之後，牛肉鬆軟，油脂分布平均，味道甘香。
最底層可以叫唔同既粥底，例如白松露菌粥或者唔同種類既湯，之前蒸既海鮮同肉類既精華盡在最底層!
疍家佬蒸氣石鍋專家
地址：尖沙咀寶勒巷3-7A號萬事昌廣場1樓101號舖（顯示地圖）
電話：23192988
營業時間：星期一至日: 11:30-01:00
延伸閱讀：
人氣大熱 熱狗 店@hkfoodiexblogger
$288任食海鮮 PAELLA !@hkfoodiexblogger
