家電家品展5大checkpoint@Jetso文

今年係呢個家電家品展嘅第2屆，將會喺8月13號開始，同美食展一樣同期舉辦5日，去一次會展睇兩個展，車錢都慳埋，今鋪仲唔so到爆。展覽分為2大主題專區，家庭電器區及家居用品區，超過190個唔同品牌參展，筍嘢是留俾有準備嘅人，are you ready？

1.「競投精明眼」

由8月13號起頭4日都會有「競投精明眼」，睇中邊件就可以由底價開始bid，千祈唔好bid得太起勁過晒budget呀！因為每晚都有唔同貨品，最好就睇定自己心頭好喺邊晚出現啦：http://goo.gl/LxyQ3J

拍賣會開始前30分鐘就可以去時尚生活舞台接待處報名參加，提埋大家拍賣會場內只係接受現金交易，預備入貨嘅就要識做啦。

2. 晚市「著數」特區

頭一回合bid唔到心頭好都唔緊要，頭4晚嘅家電家品展仲有個冇得輸環節—晚市「著數」特區。呢個特價專區全部貨品都係半價起，不過就唔會有貨品list，仲想搏一搏嘅朋友記住唔好錯過。

3. 幸運抽獎

最開心就梗係有獎抽有禮收啦，每日都有一場幸運大抽獎環節，不過時間就幾乎日日都唔同，想參加就留意時間表早啲去報名：http://goo.gl/haHVoZ

4. 產品示範

話到明會場有好多新科技產品，我聽完個名都唔知係咩，好似生果潔淨棒咁，當然唔係樣樣識用啦，有專人示範就最好啦。大家可以download埋啲coupons，睇中邊樣就即刻用：http://goo.gl/W0mMVF

5. 星級名廚烹飪示範

見唔見到有司棋bb（錯重點），其實大會今年安排咗幾個星級名廚好似馮嘉橋 （肥仔）教大家煮幾味，仲有蔬果雕刻藝術家表演雕刻蔬果，識煮幾味嘅男人特別man，學返幾味傍下身是常識吧。如果大家留意到啲咩so嘢就記得同我些牙，分享下有咩必買，小弟畢竟喺家電呢方面都仲係新手，記住留言喇！

第2屆家電 • 家品 •博覽

日期：8月13日－16日（10am-10pm）、8月17日（10am-6pm）

門票：

1. 美食博覽公眾館、尊貴美食區及家電 • 家品 •博覽套票：$40/ 位
2. 美食博覽公眾館及家電 • 家品 • 博覽門票：$25/ 位
3. 美食博覽公眾館及家電 • 家品 • 博覽 2015 晚間進場票：$10/ 位

備註：門票於指定7-11、OK便利店、快達票售票網及現場有售。