旅行大作戰！太陽眼鏡顯出不同個性邊副最好？ @Travel佳

Oct 17 2017

終於到10月喇～返工返學辛苦咗大半年咁耐，梗係要獎勵吓自己啦！好多人都會選擇出走異國放鬆吓，作為時下年輕人，去旅行梗係要有屬於自己嘅travel fashion表現吓個性啦。我Travel佳今次專誠精選咗5款太陽眼鏡。等大家無論去咩地方旅行公幹，都可以突出自我個性，風行全世界~

（Presented by Police眼鏡）

最「Light」嘅冒險之旅

去旅行梗係發掘新奇事物，多啲見識吓啦！我Travel佳最鍾意欣賞唔同地方嘅名勝古蹟，好似去柬埔寨嘅吳哥窟咁，我就會選擇實用型嘅Flow（產品編號：SPL365U28P），呢款太陽眼鏡除咗輕身又好襯之餘，最特別係鏡框同鏡腿之間經過特別設計，腿位比一般眼鏡彈性，戴住特別舒服，而且一啪就可以鎖實鏡框，唔使下下搵螺絲批上實副鏡，好方便呀，最適合一眾backpackers戴住周圍去。

如果想多啲變化，可以買埋Interstate（產品編號：SPL592K581X），鏡片採用雙色鏡設計，睇落充滿玩味之餘，又新潮。鏡框之間嘅bridge亦係今期流行元素，加上眼鏡造型線條比較硬朗，男士們戴起來影相都型啲啦！

慢活的歐洲風情

香港人生活節奏咁急促，計我Travel佳話齋，得閒都要學吓歐洲人嘅lifestyle，放慢腳步享受人生。所以呢，如果同另一半去意大利呢啲國家充吓電，一定要戴住充滿度假氣息嘅太陽眼鏡，影多啲呃like相放上社交平台，等朋友葡萄下～

今次我推介Highway（產品編號：SL387G648V），呢款太陽眼鏡除咗採用幻彩鏡片之外，佢嘅金色鏡框都令整副眼鏡顏色鮮明特別。平鏡設計更加係時下最受年輕人歡迎，咩造型都carry到。女仔可以選擇Goldeneye（產品編號：SPL406579B），水滴形鏡片好睇之餘，鏡框同腿位嘅幼身設計亦令太陽眼鏡非常輕身～迷彩鏡套加搶眼顏色令眼鏡非常突出，同男朋友一人戴一副，襯到絕呀。