大阪四國櫻花溫泉精彩遊@Travel佳
廣告
(Presented by Morning Star)
3月4月去邊度玩好，日本追櫻是常識吧？不過唔使真係追嘅，我反而鍾意揀定一兩個靚位，同成班老友或者屋企人圍埋，喺花下食下嘢、飲返幾杯，咁先係享受人生㗎嘛。遊日本要夠尖，東京、北海道、名古屋大家熟過我啦，所以我會推薦大阪四國，嗰度嘅風土人情特別濃厚，文化景點都特別多。如果一家大細一齊去，我梗係建議跟團，大家都舒舒服服，Morning Star呢個幾正㗎。
櫻花下野餐 + 浸天然湧泉
賞櫻到底點賞法先正宗？行程入面你除咗可以喺四國唔同地欣賞櫻花盛開，最特別係有得喺櫻花樹下野餐，感受下真正嘅「花見」文化。另外，仲會去到日本3大秘湯之一嘅祖谷溫泉，坐埋纜車上去獨立溫泉區，浸返個天然地下湧泉，爽！
探索秘境祖谷溪
祖谷溪嘅外形，就好似將四國嘅山地切割成V字形斷崖咁，變成一個壯麗嘅秘景溪谷。谷入面最大賣點，係被列為日本3大奇橋嘅葛藤橋全長45公尺，高14公尺，係古人用藤蔓整嘅，而家重要支撐點都用鋼筋加固咗，橋嘅踏板之間有罅，咪講笑，壯觀得嚟真係步步驚心，練膽一流。另外一個靚景點就係龍河鐘乳洞，地下水侵蝕形成嘅純天然地洞。奇形怪狀嘅石頭、石筍、石柱齊晒，值得一睇。
遊古蹟Feel下歷史韻味
其實成個日本嘅文化保育都好好，四國更加不在話下。高知城係日本國家指定遺蹟之一，呢座江戶時代起好嘅平山形城堡，由御殿、黑鐵門、納戶藏至到每條樑柱，都係重要嘅文化遺產。
內子町懷舊古典街都係四國名勝，全長600公尺，保存咗90幾棟古代白壁倉庫嘅建築群，傳統民居、豪宅都有，Keep得好好。喺度仲可以買到好多傳統工藝品，準備定彈藥買手信喇。
