夏日至好玩大型沙灘派對！即時召集愛靚愛玩男女生！@Miss Sunny

Jun 18 2017

炎夏來喇！好想去沙灘大曬特曬，大玩特玩呀！去沙灘前就梗係要準備定高效防曬品，連續十六年日本銷量 No.1的防曬品牌ANESSA，將會喺今個夏天舉行至好玩嘅大型沙灘派對「ANESSA Beach Fest」，依家公開召集一眾愛靚同鍾意戶外活動的男女生，齊齊喺沙灘狂歡，大玩沙灘挑戰同運動訓練，仲有好chill嘅沙灘音樂會等緊你來參加！

Presented by：ANESSA

全城最矚目沙灘派對！即睇ANESSA Beach Fest有乜玩！

夏日有乜開心得過去Party，仲要係沙灘大型Party，一浪接一浪嘅遊戲、運動、活動等你去玩，可以盡情放鬆過周末，全情投入「Be Active Be Beautiful」嘅生活態度！

第一站：日光浴

一到埗！就見到過百個ANESSA巨型水泡同太陽傘滿布整個沙灘！好有氣氛呀！大家可以隨意使用，同三五知己盡情享受海上暢泳同大曬特曬，曬前，記住均勻搽上ANESSA防曬系列呀！

第二站：沙灘運動挑戰

放低行裝，就要立即狂玩沙灘活動！即刻去玩巨型充氣攀石牆，仲有專業人士指導，等你可以克服對高度嘅恐懼，好緊張好刺激呀！呢個活動仲可以鍛練平衡同體能！而攀石牆嘅一邊仲有條超長滑梯，喺高處瀡落嚟，超正！可以享受高速瀡落嚟嘅快感！同場仲有沙灘單車、呼拉圈同撐舉運動等你玩，參加者成功挑戰維持一定時間，更會有神秘禮物一份添！

第三站：沙灘瘦身訓練

想個Body更slim更fit，梗係要參加沙灘瘦身訓練，場內有瑜伽、燒脂Cardio Dance、重點瘦腹訓練同Kick Boxing，啱晒唔同體能水平嘅人士參加。透過呢啲帶氧瘦身訓練，等你可以喺沙灘上盡情排汗，脂肪就能迅速被燃燒，邊玩邊修身健美！（只限購買ANESSA產品嘅參加者，可以參加其中一節的「CUT FAT 訓練」，名額有限，先到先得！）

第四站：千人齊跳ZUMBA DANCE ZUMBA

而家最hit最流行就係「ZUMBA DANCE ZUMBA」高帶氧健身舞蹈，ANESSA特別邀請專業導師帶領大家一齊大跳ZUMBA，喺輕鬆音樂同快慢節奏嘅獨特舞步下，你哋可以盡情喺短時間有效消耗最多卡路里，排汗兼塑身！

第五站：扮靚專區

鍾意扮靚嘅你，記住要去手繪及扮靚專區！有創意手繪、美髮造型畀你玩，仲有ANESSA產品體驗區同運動妝容示範！參加者更可以隨意試用ANESSA最新產品同了解更多保護肌膚與美妝秘訣添！

第六站：壓軸沙灘音樂會

做完運動玩完水，記住記住記住要欣賞埋ANESSA沙灘音樂會！ANESSA特別邀請咗多位人氣歌手同樂隊進行音樂表演，包括方皓文、小塵埃、新青年理髮廳及 Yukilovey（排名不分先後），個個唱出最新最hit流行曲，大家就可以輕鬆喺沙灘欣賞表演，享受一個放鬆兼開心嘅下午！