地底探險記@為何斯德哥爾摩沒有譚仔三哥
呢條線將會跨越Stockholm三個鐵路站，當中更有部份係喺海底㗎添。
呢個星期唔知點解咁啱有開放日，程至美係咁話今日唔睇以後冇機會睇架喇！
雖然我真係冇乜興趣，不過都陪佢去下啦。
果日下晝一點比程至美趕起身(係，又趕)，因為個參觀時間去到下晝三點就完。
一出門口凍到pk，明明早兩日先風和日麗，果日無啦啦好大風，又落雨C濕，跌到得番3-4度左右。
我地搭左地鐵去最近既站再行過去排隊，點知一出地鐵站無耐就見人龍，非常壯觀，好耐都冇見過咁多人喇我。
▼呢張圖係岩岩開始係天橋果陣影，打曬蛇餅。
▲等左大概45分鐘，好多人已經頂唔順走左。
我地最後最後等到所有腳趾痺曬之後，終於到入口喇。
▲個入口真係好探險feel喎，其實我有一刻懷疑過係咪主題公園黎。
▲著左螢光衣同戴曬頭盔就開始行喇，著左好裝備之後，在場個個望落都好專業。
地底入面好凍好寒，而且好大陣泥土味，作為迷信港女我依然形住地底有鬼，一路行一路驚。
去到呢度見到D起緊既火車軌，個個都慨嘆好型好壯觀，我則暗地幻想如果突然有火車駛入黎就pk。
▲在場好有多展板，講解有關工程。(個路人阿叔著左營光衣同頭盔，望落真係好專業。)
▲各位觀眾！
行完一大輪終於到我最期待既一part喇！
排左隊咁耐，風吹雨打，又地底咁耐又大塵又盛，終於等到大會免費供應既熱咖啡同甜包喇！
開心曬，不枉此行，下次見喇。
