嘗花再賞花 食住雪糕遊4大市區後花園@新活時報Miss Sunny
(Presented by Häagen-Dazs)
全城掀起一股賞花熱！不過近期忽冷忽熱、時雨時晴，天氣不似預期，都唔知要等到幾時先可以迎春花？其實花除咗用眼觀賞之外，更可以用嘴巴細味品嘗，賞花前先嘗花。Häagen-Dazs兩款春日限定花果味雪糕：荔枝紅桑子玫瑰雪糕及杏桃薰衣草雪糕，大家又試過未呢？
兩款春日花果味雪糕各有特色！前者取材土耳其手工採摘嘅玫瑰，加上台灣甜美多汁荔枝及酸甜紅桑子。後者就由摩洛哥與法國杏桃配上地中海薰衣草混合而成。兩款春日限定口味，花果完美配合，清新口感衝擊味蕾，每一口都好似品嘗百花綻放嘅震撼一樣。雪糕散發著陣陣鮮花幽香，猶如置身浪漫花園，relax？歎？忘憂？感覺唔可以用文字表達。呢個系列更有家庭裝，可以俾大家同愛人、朋友、家人分享花嘅「味」力！
嘗花飽肚後就到賞花飽眼福！雖則多個賞花熱點預計喺3月尾至4月頭先有百花綻放嘅盛況！不過我MISS SUNNY精選咗以下4個靚爆後花園，大家早啲霸頭位等花開喇！
呢條約30米長嘅簕杜鵑花隧道，座落於長沙灣元州邨。邊會諗到唔一定要去郊野公園，公共屋邨一樣花蹤處處。粉紅色杜鵑樹連年生長，樹枝向橫伸延，將整個圓拱形嘅鐵架都圍滿粉紅色，並籠罩住撲鼻嘅花香，浪漫氣氛爆燈！
2. 南昌公園黃金走廊
公園裡面有大概30棵金風鈴，每年3至4月開滿黃花嘅時候，整條小徑會變成黃金走廊，經常人頭湧湧。而且南昌公園有一塊全港公園最大，2萬平方米嘅大型草坪，綠油油草地加上金黃色風鈴木，啱晒攝影友「打龍」，同時間野餐或郊遊都非常合適。
3. 青衣公園桃花園
以為青衣公園只得紅葉睇？錯了。其實園裡有逾200棵桃花，亦同樣嬌艷。不過今年桃花暫時仍未全開，青衣公園嘅桃花坡只得幾朵桃花掛枝上，其餘大部分都係空枝，相信要欣賞世外「桃」源，還需等待一段時間！
4. 將軍澳櫻花樹下
追櫻未必要到日韓，其實香港將軍澳一樣有。將軍澳單車公園內有6棵櫻花，花種屬鐘花櫻桃，雖然唔及日韓般壯觀，但係勝在夠本土味。估計3月下旬會全開，到時大家可以喺櫻花樹下同愛人示愛喇。
唔知各位仲有冇其他後花園推薦呢？
