旺角酒店自助餐任食神級和風料理即製刺身丼+和牛+即燒串燒+大阪燒+梳乎厘班戟 @Dining娜

Jun 8 2018

想一次過食勻全日本美食，唔使舟車勞頓去日本嘅，嚟旺角就得喇！因為今個6月同7月，香港康得思酒店自助餐餐廳The Place做緊「夏 ·日和風自助餐」，空運帶子、油甘魚、甜蝦，即製刺身丼；熱食有鐵板燒和牛粒、即燒串燒、海鮮大阪燒、甚至連今期大熱甜品梳乎厘班戟一樣係無限添食，Dining娜身為哈日族族長，真係以為自己返咗日本家鄉一樣𠻹。

（presented by 香港康得思酒店)

酒店自助餐首度現場即製刺身丼必食!!

食酒店自助餐最緊要係食物新鮮，喺呢到嘅刺身全部空運之餘，最無敵嘅就係大廚現場即席為我炮製刺身丼，肥美帶子、油甘魚、鮮甜甜蝦、北寄貝，簡直好食到食唔停口。仲有即場火炙三文魚壽司、海膽蝦壽司，配上獨家秘製醬汁，我Dining娜未食完已忍唔住大叫：「好~好~食呀！」

日本名物~好食到停唔到口

除了即製壽司，我Dining娜一樣鍾情日本地道小食，我發夢都無諗過，我竟然可以坐喺旺角酒店自助餐入面，又可以試到香噴噴嘅鐵板燒和牛粒、充滿關西風味嘅海鮮大阪燒、道頓堀情懷嘅章魚小丸子及雞肉串燒！全晚最令我Dining娜念念不忘嘅，一定係日式麵豉焗半殼帶子，齒頰留香之餘，絶對感受到帶子同條脷談咗一場浪漫戀愛一樣。