都唔知邊個發明榴槤x月餅呢d咁邪惡嘅食物，對於我呢個榴槤控來講，真係好難忍口。醉榴香呢個一蚊搶貓山活動大大隻字寫住「請你食一世貓山皇月餅」，真係咁著數？負責人話只要喺30秒限時內徒手攞到10個以上榴槤月餅就即時可以得到1盒貓山皇榴槤冰皮月餅，仲可以拎埋一張一世任食榴槤月餅支票！

去美食博覽前做足準備@Jetso文

新假期編輯部

Aug 13 2015

廣告

每年暑假，會展都會成為我Jetso文搜羅著數嘅戰場。啱啱上個月嘅書展，我先搶購咗唔少平價書籍，學做偽文青。嚟緊下個禮拜嘅美食博覽，又係我Jetso文大顯格價神功，化身搶購俠嘅時候喇！

一連5日嘅美食博覽，下個星期四（8月13號）就正式開鑼，今次會場會分為「公眾館」、「尊貴美食區」同埋「貿易館」，匯聚來自20多個國家同超過1,100家參展商，花多眼亂，到底當中有咩攤位係不容錯失呢？Jetso文即刻帶你去美食博覽前做足準備！

一蚊雞搶手貨

每年food expo最搶手當然係一蚊雞搶乜乜乜環節，今年亦唔例外，我Jetso文就精選咗以下呢幾個必搶攤檔！

1. 一蚊「搶鮑山」一分鐘任搶

「潘生又係你呀？」每年安記喺food expo都有一蚊雞環節，今年亦唔例外，成個人咁高嘅鮑山等你搶。

2. 一蚊冰磚手工月

仲有一個月就到中秋，而家搜羅定特色月餅都唔算早，和記隆推出咗呢隻全港首創水果冰磚月餅，淨係睇個外表已經好吸引，一蚊雞的話應該好快搶購一空。

3. 一蚊搶貓山

都唔知邊個發明榴槤x月餅呢d咁邪惡嘅食物，對於我呢個榴槤控來講，真係好難忍口。醉榴香呢個一蚊搶貓山活動大大隻字寫住「請你食一世貓山皇月餅」，真係咁著數？負責人話只要喺30秒限時內徒手攞到10個以上榴槤月餅就即時可以得到1盒貓山皇榴槤冰皮月餅，仲可以拎埋一張一世任食榴槤月餅支票！ — 都唔知邊個發明榴槤 x 月餅呢d咁邪惡嘅食物，對於我呢個榴槤控來講，真係好難忍口。醉榴香呢個一蚊搶貓山活動大大隻字寫住「請你食一世貓山皇月餅」，真係咁著數？負責人話只要喺30秒限時內徒手攞到10個以上榴槤月餅就即時可以得到1盒貓山皇榴槤冰皮月餅，仲可以拎埋一張一世任食榴槤月餅支票！

最後提提大家！一蚊雞活動同投資一樣涉及風險啦，呢d活動當然受優惠及條款約束，唔同攤位都係搞搞噱頭做下宣傳，值唔值得大家通宵排隊搶購就見仁見智喇！其實會場除咗一蚊雞之外，仲有好多其他值得發掘嘅攤位嘅。

日清今年推出咗好多新產品，新口味嘅杯麵薯片等等，買滿指定金額仲可以換架清仔購物車送俾媽媽。

Superfood呢個term成日都聽到，到底係何方神聖？喺呢個攤位會有職員同你慢慢講解，仲有好多superfood試食試飲，食完之後我jetsoman會唔會變成superman？ — Superfood呢個term成日都聽到，到底係何方神聖？喺呢個攤位會有職員同你慢慢講解，仲有好多Superfood試食試飲，食完之後我Jetsoman會唔會變成Superman？

又係呢隻蛋黃哥！雖然我唔太鐘意食macaron，但呢盒「7星陪蛋」macaron真令我有唔食都買盒呃like嘅衝動。 — 又係呢隻蛋黃哥！雖然我唔太鍾意食macaron，但呢盒「7星陪蛋」macaron真令我有唔食都買盒呃like嘅衝動。

後記：話明去美食博覽前做足準備，大家除咗要準備金錢同腳力之外，記住上美食博覽網頁印定心水coupon，去food expo買到盡！

網址：http://goo.gl/ZpGvOX

大家喺美食博覽搵到咩著數可以留言同各位Jetso粉絲分享分享！

第26屆美食博覽

日期及時間：8月13日-16日10am-10pm、8月17日10am-6pm

門票：

美食博覽公眾館、尊貴美食區及家電 • 家品 •博覽套票：$40/ 位
美食博覽公眾館及家電 • 家品 • 博覽門票：$25/ 位
美食博覽公眾館及家電 • 家品 • 博覽 2015 晚間進場票：$10/ 位

備註：門票於指定7-11、OK便利店、快達票售票網及現場有售。

關鍵詞

superfood 日清會展月餅