原來打獵都可以打到有個博物館@陳細細
如果你真的並不那麼喜歡名畫雕塑城堡野和同人迫, 實在不必勉強自己去羅浮宮打卡。其實巴黎還有很多神奇過神奇水馬餾的景點, 又撞岩是每個首個星期日的話, 不少國立博物館和名勝都是免-費-開-放-, 物價高到喊的巴黎仍然可以平有平開心!
又到第一個星期日, 狗衝左去從未踏足過, 又位於小店林立好多神奇野睇夠哂方便的瑪黑區的 Le Musée de la Chasse et de la Nature (狩獵自然博物館), 原來打獵都可以打到有個博物館。歐洲大陸四處都是森林, 所以傳統法國菜中其實有不少野味菜色, 到了今天他們仍然熱愛食兔仔肉。隨著畜牧業發展, 打獵由搵食變成象徵征服大自然的優閑項目, 標本製作甚至是一項專業, 但大多時候並不為研究或者記錄, 只是為了貴族之間單純的想要晒戰利品。館內有不少標本收藏, 也有記錄打獵歷史的畫作, 藝術品, 比如大戶人家會邀請畫家為他們的寵物畫一幅牆咁大的portrait, 或者以動物為主題的家俱。還有不少製作極精美的槍械與狩獵工具。
原來中古時期歐洲人相信雄鹿先係真正既森林之王(拿我又忍唔住諗起哈利要使出佢既護法啦!!! Expecto Patronum~~~~~~~~~~)因為雄鹿既角總共有十節, 同某D聖經章節吻合咁話。不過 D 人無因為咁而唔殺佢地….
其中一個小房間收錄了由中世紀開始歐洲人對獨角獸此迷之生物的瘋狂追尋, 原來當時的人相信獨角獸是聖經紀錄的靈獸, 牠們神聖善良, 觸角有淨化湖水的能力(咦你咪中古時期既濾水器), 最愛少女的自然體香(獨角獸原來又係怪叔叔), 所以自古以來不少獵人貴族甚至君主都會專門找美麗少女去吸引獨角獸, 捉唔捉到就唔知喇, 不過當時既人已經盛行 show off 獨角鯨的螺旋型角扮自己捉到獨角獸, 展覽廳中都有一隻, 同時人們又相信牠們的血有起死回生功能, 不過飲左你的靈魂就會被咀咒了(係咪因為咁所以佛地魔無鼻?)。
館入面所有貌似堅野既展品都係堅架! 包括果盞用角砌成既燈, 私心同殘忍地覺得其實真係好靚, 曾經在北面的 saint ouen flea market 見過非常類似的, 索價 4000 歐!!
其實博物館本身就是一間「非常巴黎」的古老大屋, 與展品拼在一起成件事好獵奇, 我又開始幻想自己去左哈利的世界。另一邊見到一隻兩個我咁大的北極熊, 問職員先生, 這是真的嗎? 職員先生少少自豪地答, 這裡的標本全部都是真的! 全部經過 ” Naturalisé “(標本化), 好奇異的詞語, 殺死一隻動物只為變成標本收藏, 根本極不 Natural, 人類成日都忘記了自己不是上帝……
身為法國人, 佢地當然要搞 D 懶係藝術好有美感既野, 但其實呢壇在一間好黑好細既房仔既天花板, 坦白講, 入到去真係驚, 極醜樣!! (官網有放大版!!! http://www.chassenature.org/) 仲有, 密雜恐懼朋友慎入。
從來唔知, 原來有角既動物, 係有咁多咁多種!!! 對比起黎, 係咪覺得毛公仔版本可愛好多又開心好多呢! 之前介紹過既家品店 fleux’ 有賣! 50歐咋, 我決定一搵到屋搬就買隻送比自己!
Le Musée de la Chasse et de la Nature狩獵自然博物館
http://www.chassenature.org/
62 Rue des Archives, 75003 Paris
facebook.com/crepes.de.france.and.alyse
instagram.com/alysechansaisai
