【南法之旅】唔食對唔住自己- 海鮮 篇(下集)@為何斯德哥爾摩沒有譚仔三哥
廣告
繼上集介紹完生蠔、青口之後，今集繼續黎！
5.魚湯
呢個魚湯係繼上集個 海鮮 意粉之後又一傑作。
個湯鮮甜到不得了，雖然個湯係稠但係一D都唔噁心，而且每一淡都隱隱約約食到魚肉，但又同事係湯喎！
再加埋D脆脆包粒點Aioli醬同芝士，其實都幾飽肚。
聽老板講D魚係佢地每朝直接同漁夫買架，唔知佢有冇吹水呢不過。
6.吞拿魚&鯷魚沙律
一句講曬：有海鮮味得黎又fresh。
呢味沙律個焦點係個鯷魚度，鹹鹹香香，不過怕腥既朋友就未必岩你食喇。
唔知香港有冇得賣呢？有既話其實好易整架咋。
▲對住個大海食真係一流呀！仲有D後生仔女唔著衫曬太陽添。
7.BBQ 海鮮
其實新鮮既食材就正如天生靚女一樣，化濃妝反而俗呀，淡淡地咪幾好。
呢尾野咩汁咩醬都冇，反樸歸真，幾粒海鹽、幾滴檻欖油就已經好好味喇
介紹到呢度，有冇少少衝動都想去去南法一趟呢？
如果要去就快喇，趁夏天完結之前好去。
今次介紹到呢度，下次再同你分享有咩必食必玩啦！再會。
延伸閱讀：
