【全民運動日2018】免費康樂設施預訂開催！3D運動打卡位任你影＠Miss Sunny

Jul 27 2018

人人都知每日最少要做三十分鐘運動先健康，康文署轄下康樂設施分布全港各區，無論你住喺邊區都可以預訂使用！平時你可能唔留意，但我 Miss Sunny 咁鍾意做運動，梗係好清楚啦！仲知道8月 5日「全民運動日」，有20幾項康樂設施都會免費開放𠻹！

（Presented by 康樂及文化事務署）

Mark實康樂設施預訂日期

健身室、羽毛球場、籃球場、英式桌球枱、草地滾球場、公眾游泳池、水上活動中心艇隻等，多項收費康樂設施，都會喺8月 5日開放畀大家免費使用。每人只限預訂一節免費設施（不限設施類別），記得帶埋身份證明文件同埋認可資格證明（如有需要）， 7月 29日（星期日）上午9點起，喺康文署各區場地嘅「康體通」櫃枱訂場處（不包括自助服務站）預訂呀！