炮製6星級聖誕 ! 帶爸媽上 全新郵輪歎世界

轉眼步入秋冬，作為一個孝順仔女，好應該諗諗今個聖誕帶阿媽阿爸去邊樹玩！想佢哋玩得舒舒服服，豪玩歎世界？最好就係上郵輪！嚟緊11月有首架亞洲本土豪華 郵輪 雲頂夢號啟航，提供6星級服務，更有多間中、西餐廳，啱晒父母胃口。當中更有聖誕喺香港出發嘅航線，玩足7晚只係＄8,310起，更無須聖誕附加費，停越南3大港口，價錢吸引、出發日期正，無理由唔帶兩老去開心吓, 全新郵輪歎世界 ！快睇以下介紹，準備同父母共聚天倫啦！

全新郵輪歎世界 我要住間露台房

上郵輪想住得高興，最緊要梗係揀間露台房！唔少上過郵輪嘅老友都同我阿佳投訴，次次上舊式郵輪都住唔到露台房，無得望住個海好無癮！不過今次放心，呢架11月先正式啟航嘅雲頂夢號，高達70%為露台客房，可以望住個無敵海景，睇日出、日落，再睇埋星星都仲得。更有超過100間相連客房，啱晒大家族去旅行，設計夠貼心，老人家想幾時同孫仔玩都無問題！

吃盡35家中西美食

上得6星級郵輪，唔單止住好，食都食得特別好！船上有超過35種餐飲概念，包括4間免費餐廳，想食中式及亞洲地道美食，或是國際佳餚，都一應俱全。船上首創「威士忌吧」搜羅產自世界各地的威士忌，更有珍貴稀有品種及混合口味以滿足不同賓客需要。賓客可享受一對一專屬服務，參加獨家試酒體驗。更獨家與享譽國際嘅澳洲名廚Mark Best合作，開設首家海上餐廳「星廚」，將以創意烹調手法炮製融匯中西風味佳餚，未落船就已經可以大飽口福！

勁玩海底觀光號

咪以為郵輪上嘅設施一定係好老正，如果你係追求刺激玩意嘅，雲頂夢號嘅遊樂設施就最啱你！船上設有海上首個海底觀光號C-Explorer 5，聽個名都個知勁！佢可以接帶你深入200米深的海底世界，超近距離無死角觀賞海底世界。另外仲有足足18層樓高，30米長嘅海上巨型滑索，俾你360度鳥瞰一望無際嘅大海。而船上嘅水上滑梯樂園，更設有6條老少皆宜嘅滑梯，讓你享受高速滑落

做SPA睇騷鬆一鬆

不論係男女老少，生活緊張嘅香港人暖鍾意做SPA鬆一鬆！船上既可做為SPA，又有反射穴位按摩，幫你舒解疲勞！鍾意睇騷嘅可以去睇海上版《星夢傳奇—中國達人秀》，此外一眾巨星更親臨雲頂夢號載歌載舞，11月19日有任賢齊，11月26日有許志安，12月3日有光良，太令人期待！如果唔啱心意都有點3D電影選擇。夜晚仲可以睇煙花表演，好難忘！

必選聖誕遊越南航線

講咗船上設施咁耐，不如講返聖誕出發嘅航線啦，12月24日喺香港出發，到南沙、峴港及下龍灣玩足7晚。以下龍灣嘅木頭島、詩山、巴門島同若島嘅景色最壯觀！假如鍾意文物古蹟嘅則唔可以錯過峴港嘅世界文化遺產會安古鎮；到南沙則可以去水鄉一條街、天后宮感受地道文化色彩。聖誕以外，雲頂夢號仲有好多不同航線，想知詳情就Click 入下面表格睇睇啦～

雲頂夢號精選航線：

GeoTraveller Cruise Center

報名電話：2316 1108

網址：http://cruise.geotraveller.com.hk/cruiseZH/