偽鄉村真瘋癲除夕派對＠陳細細

Jan 6 2016

年尾對法國人來說是極重要的日子，過聖誕好像中國人過農曆新年，遊子通通趕回家搵媽媽。溫馨的家庭聚會後就到必須瘋狂派對的除夕夜了，這似乎是不明文規定。法國人從小就有每年除夕被父母帶去派對的無覺好訓經驗。我來到法國差不多三年了，過了三次他們的「年尾節慶」，從自己坐埋一邊陪笑玩手指，到宜家插到少少嘴，好有成功感。

除夕派對也是要做選擇的時刻，有人見我終於識講法文，所以今年捨棄聯合國同學的狂歡，去法國人的場子。通常大家都會為此夜特意打扮一番，所以年尾到處都可以買到姣爆的閃閃裙，男士以煲tie禮服出場也不是新鮮事。只是今年出門後才得知主人家搞了個名為 guinguette 的 dresscode, 就是一個鄉村酒吧又帶點海洋風的節奏……

望住一個二個鄉村法棍，求其著住小黑裙的我實在好尷尬，都係匿埋角落頭食薯片算。食食下，忍唔住去問用力dress up 的主人可不可以拍個照，他馬上召來其他「鄉下人」，仲要揸住條法包在手，french cliché 到呢。

(沒有人可以比他們更法國了，法包、莎樂美腸、芝士、紅酒、間條衫和畫家帽！我笑說那位紅帽小姐是性感版陳細細蝦蝦蝦…….)

其實派對不外乎都是那些樣子，飲飲食食又跳下舞，但他們就是滴酒未沾已經可以 fing 到成隻喪屍，那些著高跟鞋的法國小小姐真係唔怕跛。只是我從來對fing 都無甚興致, 拿著酒杯在旁邊睇下已夠開心，可能主人家睇唔過眼，最後變成大隻法仔和大隻法妹一起抱起我來 fing,我不停在人家耳邊說求下你放低我啦你條腰會斷架……勸阻無效。最後可能 fing左100次，相公大人還在旁邊助興歡呼得最大聲頂佢呀，落左地拿拿聲去整杯 rum 定定驚。