做運動後飲__，牙齒有機會變黃變薄？@FIT DIVA

Text：Fit Diva Photo：網上圖片

難得的起心肝做完一輪運動，消耗返啲卡路里，有quota梗係要好好獎勵下自己啦～雖然話辛苦「做」嚟志在食，相信大家咁叻叻豬都知道唔好食啲高熱量嘅食物～但係，究竟飲品方面嘅大忌又有咩呢？

老老實實做完運動飲水就最健康，之不過跑完步飲杯汽水就確係正嘅！不過牙醫話原來運動後立即飲用碳酸性飲品，有機會增加引致酸侵嘅風險！牙醫就建議應先補充水份，增加唾液分泌，中和口腔酸性。亦都可以利用飲管，等牙齒避免直接接觸碳酸性飲品。究竟仲有咩壞習慣令你牙齒變黃變薄？即刻睇下啦！

高酸性元兇 扼殺琺瑯質

其實上面講嘅令杯都屬於高酸性飲品，汽水pH值最低（pH2.5），即係酸性最高。其餘3種飲品呢~最高係檸檬茶（pH2.6）、紅酒（pH4）同咖啡（pH5），成日飲嘅話會慢慢侵害牙齒，而當你發現牙齒變黃、敏感，甚至透明，可能代表牙齒嘅琺瑯質已經流失。

由於琺瑯質唔會再生，與其等你有以上徵狀先後悔，不如睇下有咩壞習慣會惡化呢個情況，向佢地say NO啦！

戒3大惡習　向酸侵說不！

• 運動後即飲碳酸性飲品

當身體處於缺水狀態，立即飲用碳酸性飲品，口腔會因缺乏足夠唾液中和口腔內酸性，牙齒被酸侵風險就會高好多，所以點都要記得先飲水！

• 飯後即刷牙

十分傷牙嘅一個動作，尤其食完奇異果、檸檬呢啲酸性食物，有機會令琺瑯質流失㗎！ 真係要刷就建議等1個鐘之後先好刷啦！

• 無酸不歡

好多人都鍾意飲完咖啡再飲檸水諗住可以清清口氣，咁仲唔係酸上加酸？仲有話梅、喬頭呢啲有咁酸得咁酸嘅醃製食物，少吃多滋味！

1分鐘酸侵小測試

睇到呢到好擔心？不如幫自己check check啲牙先！先用紙巾印乾牙齒表面，如果印乾後發現牙齒表面凹凸不平，代表你啲牙可能已被酸侵*。

*測試結果只供參考，實際情況請詢問專業牙醫。

必學！1招KO酸侵！

轉用加入Stannous Fluoride成分嘅牙膏

已受酸侵影響嘅牙齒表面會出現凹凸不平嘅小洞，利用加入Stannous Fluoride成分嘅牙膏，就會喺牙齒表面形成保護膜，減低酸侵機會！

當然，飯後記得用埋牙線，清潔牙齒刷唔到嘅位~想擁有健康牙齒就話都冇咁易啦！想有全方位保護牙齒嘅產品？而家只要去https://www.oralbprohealth.com.hk/coupon.html做返簡單登記，即送總值110港元現金券，用作選購Oral-B相關產品，錫住你啲牙！