京都賞雪 體驗町家風星級酒店@Wina

京都上月開始落雪，Facebook 即被貴川神社、清水寺的雪景相洗版，即刻想出張機票飛去賞雪。去東京想住傳統町家，但又想歎星級酒店的服務，2014 年初新開的三井花園酒店京都新町別邸就完全符合以上要求，位於京都市中心中京區新町通的條橫街內，門口非常低調，以木欄杆裝飾配紅色門擋，樓高只有 4 層跟周邊的民居高度差不多，就連櫃台的小姐都說許多客人都投訴找不到酒店的門口。不過當找到入口之後，接着就是不斷的驚喜。自動門打開之後見到極為寬廣的大堂，一邊是簡約的櫃台，另一邊是梳化，旁邊是超高的落地玻璃，將日式庭園的風景映入大堂。客房的面積約二百多呎，浴室佔頗大比例，空間比其他酒店寬敞，而房間放了兩張大床之後，其實走動的位置不多，不過勝在擅用柱位做儲物，所有熱水壼、茶杯等都收入牆櫃中，望落房內一件雜物都無，擺得落兩個喼，地方總算見使。而最不能錯過的係酒店地下餐廳 — IZAMA 的早餐，就算酒店 Package 無包， walk-in 食每人都只係 1,500 Yen 左右，以半自助餐的形式，主菜有燒魚及飯，自助 Bar 枱有沙律、即煎雞蛋等等，雖然菜式大路，但無道菜都落足心機，難怪日日都 full house 最好早一日預約，或者早啲入座。