火車迷必坐 ! 九州3大 觀光列車 @Travel佳
1 ）無敵山景海景 九州宮崎特急 「海幸山幸」 觀光列車
要看清依山靠海嘅宮崎，一定要試坐由日本傳說為主題嘅「海幸山幸」列車！列車來回宮崎駅至南鄉駅，乘客可使用 九州 JR Pass乘坐。由於列車沿海遊走，故會出現左窗山景、右窗海景嘅美景。當駛到青山島附近嘅奇景「鬼之洗衣板」，列車仲會慢駛畀大家影風景，相當貼心！除「海幸山幸」嘅景色夠特別外，車身及內裝更用日南地區名木飫肥杉，可見製作用心。「海幸山幸」一天只有一班來回班次，更只有幾個自由席，大家到埗後記得訂位！
特急海幸山幸
網址：www.jrkyushu.co.jp/trains
2）至懷舊 SL人吉蒸氣火車
要坐火車坐得夠懷舊？位於熊本嘅人吉蒸汽火車就絕對不能錯過！蒸汽火車由燒煤推動，係貨真價實嘅蒸氣火車。外表仿照百年前嘅日本蒸汽火車設計，黑漆漆嘅車身畀到我好剛強嘅感覺，而佢內裡則有英倫風包廂，但點不羈同柔情，真係好吸引！SL人吉蒸氣火車來往熊本駅、新八代尺駅同人吉駅，全車指定席，想坐嘅記得預先上網book 位啦！
SL人吉蒸汽火車
網址：www.jrkyushu.co.jp/trains
3） 豪華臥舖觀光列車 九州七星
叫得做「九州七星」，顧名思義當然係環繞九州各地嘅觀光列車，其特別之處係列車嘅裝潢夠晒豪華，帶遊客享用九州美食、溫泉同風景；更可以好似坐郵輪咁，到達大站後落車觀光！身價高達30億日圓嘅「九州七星」，2日1夜1嘅入門車費要成¥180,000/HK$209,140，不過依然好多人爭全坐，更係一票難求！2日1夜嘅北九州行程，由福岡博多站出發，沿鹿兒島本島線南下，午餐後到達長崎，旅客可以參加限定嘅觀光團、自由活動，或留喺車廂內享用茶點。想睇海景嘅， 一定唔可以錯過長崎至阿蘇一段嘅風景，沿著海看日落、吃晚餐，真係一流享受！第2日早上，列車已到達阿蘇站，旅客可選擇乘坐專車到阿蘇火山觀光，或留車上享用早餐。回程途經由布院，意氣用事嘅旅客亦可下車遊覽，終點為福岡。
九州七星
網址：www.cruisetrain-sevenstars.jp
