足球機+跟教頭學踢波+限定版民族球衣娃娃 介紹3大必玩區！@MISS SUNNY
廣告
飛唔到去俄羅斯睇世界盃？唔緊要～跟我MISS SUNNY去將軍澳廣場都一樣可以感受嗰份足球狂熱，場內唔單止有個巨型俄羅斯式足球機同小型足球訓練區，仲有個球迷必到打卡位，一樣咁有氣氛！事不宜遲，大家跟我嚟一齊玩轉球迷三大必玩區啦～
（presented by 將軍澳廣場 )
球迷必玩區1 : 俄羅斯式巨型足球機 同俄羅斯娃娃球員selfie！
全個商場最吸引嘅，一定係中庭位到充滿俄羅斯氣氛嘅超巨型足球機～而足球員們全部變身成為俄羅斯娃娃，每個娃娃球員都著住唔同國家嘅波衫，好似有英格蘭、巴西、法國、仲有比利是，總有愛隊喺左近，大家仲唔快啲嚟同佢哋影返張相打卡支持吓！
小小球迷必玩區2 : 齊齊做朗拿度足球學院學生 跟巴西教練學習足球秘技
呢個活動絶對啱哂一班小小足球員嚟學腳技，因為大家除咗有機會得到朗拿度足球學院巴西總教頭Paulo Reis (保羅雷斯)親自落場教扭波、傳波、射波秘技，仲有機會獲得總值超過$300嘅豐富禮品！
球迷必玩區3 : 變身足球員 一嘗落場打卡滋味
商場2樓仲有一個打卡位，大家可以化身著住限定版民族球衣嘅俄羅斯娃娃球員，有埋觀眾席做背景，俾你一嘗做世界盃球員落場嘅滋味！
必搶限定足球禮品：型格經典黑白足球雨傘！
係活動期間單日以電子貨幣消費滿$800或以上，再「讚好」將軍澳廣場Facebook專頁或「追蹤」佢嘅Instagram，就可以去換商場獨家限量嘅經典黑白足球雨傘，手快有手慢無啊～
