【必食】全港30大舔「利」茶記@DINING娜

香港嘅茶記係我細個成日打躉嘅地方，對我嚟講簡直有一種致命嘅吸引力：唔會成日食，但隔咗排一定會掛住件西多士，甚至想即刻歎個常餐。伙計服務快、靚、正，簡直能常人所不能，一雙手臂擺滿8碟飯；「係咪照舊？」當有日你食茶記聽到呢句嘅時候，嗰種成功感非筆墨能形容，但絕對勁過你老細讚你今期條數跑得幾好。當然仲有一堆食開先知掟嘅暗號：例水、打爛、籮柚、爆檸賓，夠晒實際又唔囉嗦，正正就係我鍾意去嘅原因。

喺茶記坐低，睇睇餐牌，你有大概10秒時間去諗今日lunch食咩好；8秒我會決定好食咩，其餘2秒我會諗利賓納要唔要檸檬，為忙咗成朝早嘅自己叉叉電。但傳統茶記一間少過一間，到底邊間至可以係食得至舔脷？Dining娜帶你食勻全港30大必食茶記，梗有一間啱你口味。

識食汁控一族

咖哩汁、茄汁、黑椒汁、蒜蓉汁、洋蔥汁……茶記食碟頭飯，成也汁敗也汁，個汁幾乎掌控成個飯嘅味道。好嘅一個汁絕對可以為一間茶記添上光環，無限加分！

1. 咖喱牛腩飯＠和記餐廳 舔脷位：獨特港式咖喱汁配軟熟牛腩，正！
2. 雲川茄子肉醬飯@素食分子 舔脷位：濃郁醬汁加軟茄子，送飯一流！
3. 焗鮮蛋吉列豬扒飯@新口味餐廳 舔脷位：識食一定係刺穿蛋黃拌勻茄汁撈飯。
4. 匈牙利牛腩飯＠好味屋 舔脷位：微辣帶蔬菜嘅甜，唔會過咸。
5. 焗豬扒飯@新豪餐廳 舔脷位：夠茄香得黎仲有食得出有細粒番茄。
6. 咖哩海鮮飯@2018煮場餐廳 舔脷位：咖哩偏甜，海鮮足料夠新鮮。

唔駛急最緊要快，快得嚟又要好食，我諗除咗茶記真係冇咩地方可以俾到你呢種服務同質素。細細一張餐牌寫過百種嘢食任係揀，千變萬化嘅配搭，迎合每一個一齊食lunch嘅同事！

1. 雲耳蒸雞飯＠名人飯堂 舔脷位：雲耳吸收雞汁，雞肉嫩滑。
2. 燒春雞（半隻）@溫莎堡 舔脷位：難得雞皮脆嫩但keep到肉質唔鞋口。
3. 梅菜扣肉飯@多寶小廚 舔脷位：招牌菜鹹香適中，扣肉炆得軟腍。
4. 芙蓉蛋飯＠肥姐麻辣餐廳 舔脷位：煎到金黃色又冇散，而且好足料。
5. 沙拉骨配菠蘿雞粒炒飯@金家樂餐廳 舔脷位：炒飯夠爽身！
6. 沙薑雞飯@都好燒臘粉麵茶餐廳 舔脷位：薑汁同沙薑比例得宜，帶些少酒香。
7. 鹽焗雞髀飯@小飛象美食 舔脷位：雞皮香滑，軟嫩又多汁。

講起茶記點可以冇粉麵，通心粉、即食麵、米粉、河粉、粗麵……種類多到數唔晒；製法亦然，湯、乾炒、濕炒、煎、炸等等都有，點到你唔服，是但蹹都一定有得食。

1. 黑椒牛扒火腿意粉@正記粥麵茶餐廳 舔脷位：特盛份量，大食之選。
2. 海蝦球喇沙@車仔年代 舔脷位：自家製喇沙湯底，香濃惹味。
3. 乾炒牛河@新寶餐廳 舔脷位：肉片好滑，每條河粉都均勻上「色」。
4. 豬扒薯仔麵@奇興海鮮美食 舔脷位：大熱韓國薯仔麵都有！
5. 星洲炒米@泰記餐廳小廚 舔脷位：大火快炒，夠晒鑊氣。
6. 金牌八喜麵＠靚靚車仔麵 舔脷位：成12款餸，啱晒乜都想試嘅人。
7. 煙三文魚天使麵@ M立坊 舔脷位：薑汁同沙薑比例得宜，帶些少酒香。
8. 茄湯螺絲粉午市套餐＠祥裕茶餐廳 舔脷位：湯底濃郁，豐富午餐。

夠鐘3點3！歎個下午茶！

茶記最受歡迎嘅大熱之選應該都係3點3嗰份high tea。童年回憶裡面，放學求呀媽一定要去食嘅炸雞脾薯條、豬扒沙律、西多士、飛碟，好似好易整，但其實樣樣都係功夫嘢，一唔小心，隨時天堂變地獄。

1. 芝士牛角包配沙律@讚記 舔脷位：牛角包散發香濃牛油味。
2. 炸雞髀西多士@溢駿餐廳 舔脷位：2大邪惡之首！
3. 飛碟三文治餐＠新寶餐廳 舔脷位：脆卜卜，餡料勁多！
4. 酥炸雞髀＠讚記廚房 舔脷位：醃得好入味！
5. 吉列魚柳配菠蘿油@金翠茶餐廳 舔脷位：魚柳加埋菠蘿油，貪心之選！
6. 澳門豬扒包@新軒尼斯 舔脷位：豬扒鬆軟唔痴牙。
7. 吉列豬扒配炸薯條@香港超級茶餐廳 舔脷位：豬扒keep到仲好多汁。
8. 雞髀沙律@萊思廊餐廳 舔脷位：沙律用左特製醬汁，好味！
9. 公司三文治@日溢中西美食 舔脷位：最啱同朋友開心些牙。

做咗成日點都要抖抖，無論係午餐、high tea我都會揀飲杯少少甜嘅嘢飲，提提神返去要繼續努力。而利賓納蘊含100%天然紐西蘭黑加侖子精華，充滿豐富維他命C，足夠每日攝取嘅營養素，有助鈣質和鐵質的吸收，人都精神爽利啲啦！由依家起至12月31日，喺上面30間精選茶餐廳食lunch或者下午茶，即刻可享免費轉飲利賓納，咪走寶啦喂！