【中環秘店】時裝名店首試神秘大餐@Dining娜

Dec 22 2015

到於Dining娜嚟講，食最緊要就係講CP值 (即性價比)，講食平嘢，只要好食我一啲都晤介意，而食貴嘢，我就特別有要求。好多人問我去中環蒲有乜嘢秘竇fine dining，大路嘅就唔使多介紹，銀兩充足你自然識去，但Landmark入面英國時裝名店Harvey Nichols 4樓嘅餐廳，又有幾多人知呢？今次餐廳就請咗我去試咗佢哋嘅 5-Course Christmas Dinner Set，儘管同大家share下！

輕鬆食Fine Dining

一講Fine Dining，大家就會有種先入為主，覺得好拘謹嘅感覺。某程度上，好多餐廳用咗密封式、黑色、金屬色系做主題，的確會令成個氣氛有點formal，真係講嘢都唔敢大聲。

不過，Harvey Nichols Fourth Floor Restaurant & Bars嘅格調裝潢，一方面較開闊，可以飽覽中環景觀，另一方面亦用吃較為relax嘅sharp tone作為主色系，令人食起上嚟都比較causal，好似Christmas呢啲時節，斷估大家都晤想好似返工咁刻板掛！

稱職的Starter

打頭陣嘅有「蟹肉配巴馬臣芝士釀蟹蓋」，啖啖新鮮蟹肉配合巴馬臣芝士釀入蟹蓋，鮮甜嘅蟹味同芝士「溶」為一體，絕對係一道稱職嘅Starter，完全喚醒我嘅食慾！

迷幻蘑菇…湯

迷幻蘑菇？咪以為我教你吸毒…講緊嘅係呢一道「蘑菇忌廉湯配蘑菇粉」！不過，佢的確有種好似中毒嘅魔力，蘑菇嘅新鮮度令人有將原粒鮮蘑菇飲落肚嘅幻覺，鮮味填滿整個口腔，好幸福呀！

燒肉眼扒享天然牛油

好啦！入正題喇！呢度最出名嘅就係M8和牛、龍蝦同應節火雞等等都好值得用嚟做main course。雖然Dining娜樣樣都想食，但話明fine dining，都要控制下自己個胃同…儀態嘅。哈哈！最後我揀咗燒肉眼扒做main dish。佢有南瓜蓉、露筍、芝士薯配紅酒燒汁做side，伴菜好有層次，又唔會搶咗肉眼扒嘅滋味！當然，食和牛最講究肉質同脂肪比例，再加上滲出嘅天然牛油，實在香濃無比！

栗子變奏結尾曲