聖誕好去處 | 30分鐘由市區直達天水圍聖誕市集 @Miss Sunny

聖誕留港消費，但想去遠啲嘅地方玩？今年天水圍天秀墟聖誕小鎮再度回歸。由即日起至1月3日天秀墟化身為異國特色小鎮，舉辦一連串活動！今個假期又多一個戶外好去處啦！

天水圍的日與夜 + 過百攤檔任你逛

普天同慶天秀墟正式開幕啦！提起天水圍，可能你會想起濕地公園，但我Miss Sunny就會想起天秀墟同飄雪喇，尤其是自從西鐵開咗後，去天水圍就變得更方便！由市區搭西鐵去天水圍唔使30分鐘，再轉705/706輕鐵喺天秀站或者天逸站落車，就會去到東華三院天秀墟啦！

適逢聖誕，天秀墟擺設咗閃閃令嘅聖誕樹，仲有唔少特色布置，畀你打卡！由早到晚都會有好多唔同嘅節目，包括互動投影設施、啱晒小朋友玩嘅大型充氣彈床、當然唔少得一系列富公民教育意義嘅攤位遊戲啦！市集仲有過百個墟市攤檔，畀你用實惠價錢購買各式各樣生活百貨、衣飾、精品等等。

而舞台上有來自東華三院各服務單位準備嘅表演，包括有花式劍球、ukulele、花式跳繩、舞蹈表演，等大家享受熱鬧嘅嘉年華！

夜晚即播放巨型戶外3D實境動畫匯演，利用先進CG技術，由戴住聖誕小紅帽嘅小熊貓帶領大家遊走海陸絲綢之路、穿越大沙漠，喺22米闊巨型LED裝置上開展一段奇幻旅程。配合埋燈光同現場飄雪效果，一齊享受聖誕嘉年華嘅熱鬧氣氛！

去片重溫一下上年嘅精彩活動：

東華三院普天同慶天秀墟 (@東華三院天秀墟)
日期：即日至2019年1月3日
時間：
逢星期一至日－下午4時至晚上10時
12月24及25日－下午4時至晚上11時
12月31日－下午4時至凌晨12時15分
地點：新界天水圍天秀路18號東華三院天秀墟
免費入場