港女發文怒轟香港3大飲食文化；限時食飯、齊人入座

網民怒轟香港3大飲食文化 限時食飯齊人座：幫襯佢哋有做乞兒嘅感覺

日前有網民發文在FaceBook群組「飲食黑店大全 (全港食店質素關注組)」發文，力數香港飲食業3大獨有文化，包括：齊人先可以入座、限時食飯，食飽就要走及餐檯冇紙巾，樓主指這三樣文化是香港獨有，稱「你出國旅行玩都唔會遇到，即使返深圳都唔會有人咁對食客，但其實講到尾都係源於香港老細凡事要賺到盡，用到盡導致，港資獨有文化」。

1）齊人先可以入座

樓主指香港餐廳一定要齊人先可以入座，有時差一個都唔畀入，如果是叫號入座，未齊人的話要重新等過或者補檯，樓主分析齊人先可以入座的原因，稱「老細驚死你2個人坐4人台/4個人坐6人台，機會成本下蝕咗張6人台出去」，稱如果食客真的充大頭，食店可以轉返細檯解決，表示齊人入座的規則「未係香港以外嘅地方遇過」。

2）限時食飯

另外，樓主對於香港餐廳「限時食飯」的規則感不滿，稱很多時夠鐘就要人「 遲一秒都唔得」，又或者食完就一定要走，稱「老細做晚市最少要做兩轉台， (以前三轉)，限時90分鐘，認為外出與親朋好友食餐飯聚下，但夠鐘就要走或者食唔哂都要走好掃興」。樓主指餐廳有時上菜遲，或者漏單又唔補鐘，而食放題「又例牌上唔齊/專登遲上」，未食飽未夠候就要起身，最後還要再收加一費用。

樓主指食lunch雖然唔限時，但食物未吃完已有伙計收碟，飲品未飲完，店員便會通知你「有人等緊」，用群眾壓力令你走，認為這些服務特徵「真係香港獨有」。

3）餐檯冇紙巾

第3樣是餐檯冇紙巾提供，樓主認為餐廳冇紙巾提供食客主因都是「慳皮表現」。

網民評價兩極

帖文引起網友熱議，有人認同樓主留言表示「明明無服務都要加一」、「幫襯佢哋有做乞兒嘅感覺」，不過亦有唔少人反駁樓主，稱「齊人才可入座，外過很多地方都係咁」、「限時食飯當然要啦，唔通個個坐兩個鐘，唔洗做生意咩 你不如去酒樓食啦」、「窮L又要天龍軒享受，真係病得好嚴重」，不過亦有人認為講到尾都是「地產霸權衍生出來的惡果」。

另外有網友認為現時香港食店的蕭條局面很多時都是食店服務差出事，稱「事實係食店老板唔檢討自己，郁啲就黑口黑面，郁啲就趕客。香港人其實好易氹， 口花花氹啲客俾返張枱你唔得嘅，係要執走晒人地仲飲緊個杯茶，抹枱趕人走，令人討厭。你呢啲老板咪繼續堅持呢啲咁嘅態度囉，同客鬥氣，無客回頭，食店關門，損失又唔係食客。」

網民1句突破盲點

心水清的網民就道出會有以上文化全因一個原因：「有咁多規矩係因為有太多西客」，所有規則都是因為要避免紛爭而訂下。