荃灣金禾遊戲機中心不敵第五波疫情宣佈結業 開業20年！網民列5大原因大讚機舖界清泉 慨嘆：呢度有無數青春回憶！| 玩樂熱話

20年機舖 荃灣金禾遊戲機中心宣佈結業

荃灣金禾遊戲機中心早前於IG及FACEBOOK出道別通知：「來不及說再見，感謝大家呢20年既支持。本公司始終敵不過第五波疫情而要結業了！真係好唔捨得，希望各員工，玩家們都身體健康，事事順利」

消息一出令不少網民紛紛留言，大感可惜，更有不少人想起以前與朋友一起打機的青春歲月。在荃灣金禾遊戲機中心的道別帖文中，好多機迷都忍不住留言，道別一個陪伴了自己20年的「好友」。

有網民表示，「真係好可惜，難得唯一一間係冇煙，並且有好多種類遊戲既機舖，非常齊全，因疫情便結業感到十分惋惜。期盼有機會再會……」

更有不少網民留言多謝荃灣金禾遊戲機中心。「感謝你，我學生時期既回憶」、「不能正式道別實在不捨得… 多謝你帶比我地美好既時光，識到志同道合既朋友! 」、「諗住4月尾有機會過黎玩.. Thank you and take care」、「多謝你地支撐我少年時嘅大部份回憶」

網民列出5大原因，大讚荃灣金禾遊戲機中心是香港機舖中的「清泉」。不但位於商場、地方企理、沒有煙味，而且肯高價入不少大型音樂和賽車遊戲機。

有《高達》玩家就表示：「帶比（俾）我高達戰場，無數戰鬥既回憶」

有玩開《太鼓之達人》的網民就表示：我同仔仔每次都會玩太鼓，每次遇到員工的長頭髮姐姐、四眼哥哥，都會好親切地向我們問候，傾計，都是不可磨滅的回憶。

近年因為愈來愈少人去機舖玩，街機生意已成為萎縮行業，大型遊戲機店，如Virtual Zone、世賀、荃灣金禾遊戲機中心等逐一倒閉；令不少機迷表示可惜。