酒店Staycation發現床上有大便 港男投訴反被經理質疑瀨屎拒負責！

情侶酒店Staycation發現床上有屎
卻被經理反懷疑是自己瀨！神探網民：認同經理

該位港男在Facebook群組「巴打絲打 Facebook Club」上發帖，表示自己最近前往天水圍一間酒店相約Staycation，打算度過一個美好的Family day，他與女朋友則分配在同一房間。他指當晚完成所有行程後，便與女友一起回到酒店613號房間，因為已經累了一整天的緣故，所以在回到房間時，他「直接由床頭捐入被竇再趴係度攤唞下」。

不過在趴了不久後，他鼻子忽然聞到一股臭味直衝腦門，女友則表示聞不到，但因為他一直都「keep住聞到臭」，於是決定下床一探究竟。當他一揭開床上的被鋪時，發現床上竟然有一撻撻的「啡色嘢」，以為是朱古力的事主決定用鼻子聞一聞，結果發現是臭的，「真係屎嚟」，令他與女友同步發出嘩嘩聲。

由於不知道床上會有屎，不知情的事主還整個人睡上床，於是他也發現自己褲子上沾上了「屎漬」，令他不禁乾嘔了數下。稍作清潔後，他便致電請知前檯，結果打了十多分鐘電話也無人接聽，最終他只好「著住條屎褲同我女朋友一齊落去大堂」。

到達前檯後，前檯姐姐跟他說會安排換房，也會幫他清洗褲子，著他們先回房間等候。在回房間等待了15分鐘後，大堂經理才施然出現，更直言上來前已翻查CCTV：「睇到房務有拎套新床單入房，之後有拎返床單出嚟，佢哋係有做清潔嘅。」當下事主便嬲到癲，反問經理「咁你即係話我賴屎？」經理則回應「唔排除呢個可能性」。在擾攘過後，事主終於在早上6時取回乾淨的褲子。

然而在退房時，他再次追問「到底酒店方面跟進成點？」前檯姐姐就致電大堂經理到場處理，結果對方只重覆昨晚的話「首先睇到同事有拎床單出入間房，即係有清潔。跟住由客人擺低背囊到再入房期間係冇人入過去嘅。」

於是事主的家人終於按捺不住，直接回覆「既然經理你講你啲員工冇問題，咁即係話佢賴屎再屈你啦！？係咪！？」對方則冷靜的回應「我冇咁講過，不過都唔排除呢個可能性。」事主家人再要求對方道歉，對方則回「要我個人道歉當然冇問題，不過依家唔係百分之百證明係酒店方面有問題，所以我係唔會代表公司道歉嘅。」最終事主一家只好Send Email投訴，但是投訴的Email也只是由大堂經理負責睇，前台也拒絕提供任何向總公司投訴的方法，只好無奈地在Facebook發帖狂呻悲慘遭遇。

網民看帖後先是表示「雖然成件事好嚴肅，但我真係睇到笑出聲」、「最癲係你竟然聞d屎」，不過對於房間的屎是不是酒店方的失誤，網民就認為有保留，因為「房務幾唔做嘢都好，點都會整開張被睇睇有冇明顯污漬，咁明顯冇理由唔知」、「屎跡好明顯係剛剛新鮮染上去，唔係話幾個鐘前乾咗咁，可能你之前喺街坐到屎唔知，好難怪人地懷疑」、「點睇張相個痕跡 9成都係你hi 污糟人地張床多過人地整污糟你」。

原帖連結：按此