西貢北潭涌停車場免費停車位不再？正式改政府X小時咪錶位惹爭議！
廣告
市區停車場一位難求，排政府咪錶停車位就仲痛苦，好彩就十幾分鐘等到，唔好彩隨時要等一個鐘以上！不過香港地停車場問題又豈止市區，郊區一樣有！近日有網民發現北潭涌停車場安裝了政府咪錶位，意味著免費停車不再，市民泊車時需要入錶而避免抄牌，政府此舉就獲得網民大讚，仲話係因為港人「自己玩爛」，一齊睇吓網民點講！
北潭涌停車場免費停車位不再？
正式轉政府2小時咪錶位 網民：港人自己玩爛
有部分郊區停車場，如北潭涌、大尾督、大網仔、石澳等都是免費停車場，無須入錶及付費，但多年來因為死車問題，導致車位被佔用，該處的死車不少都封了塵、鋪滿了樹葉，大多長期停泊並無人理會。近日有網民在Facebook群組「泊車優惠及收費情報區（香港）」上發帖，提醒遊山玩水的網民要注意，因為北潭涌停車場部分停車位改成了咪錶位，此舉被網民激讚！
網民對於北潭涌停車場免費停車位改為咪錶位就大讚，認為可以有效減少死車問題，「好事，俾運輸署一個讚」、「一早就要做啦」、「第一次咁支持政府」，同時怒指該些「死車車主」玩大咗，以為長泊唔使俾錢又無後果就長期佔用，政府改為咪錶停車位也是無可厚非。
不過有網民就覺得治標不治本，表示現時改成2小時錶位，加上手機遙距2小時入錶，最多只得4小時泊車，認為對於真正的郊遊山友極不方便，「最好可以延耐啲，行山4個鐘唔夠」、「平日係有機會有位停，而家轉錶位即係限死4個鐘」，認為寧願改成私人停車場（如龍尾灘），更擔心到時有不法人士進行「代客入錶」的行為。
北潭涌有免費停車場？
是的，原本北潭涌為免費停車場，但最近改成政府咪錶停車位，網民就指出是因為…詳情
北潭涌停車場現時收費如何？
一般咪錶收費以15分鐘為1個單位，而15分鐘要2港元，該停車場現時採2小時制，最多可停泊…詳情
圖片來源：Facebook群組「泊車優惠及收費情報區（香港）」截圖、Google Maps截圖
