MIRROR演唱會被批似綵排！超多甩碌：機關失靈AK險跌、升降台延誤姜濤勁尷尬
廣告
萬眾期待，以實名制購票嘅MIRROR一連12場紅館演唱會正式開鑼，但因為今次表演嘅舞台機關重重，加上演唱會嘅流程係綵排中仍然不斷更改，昨日首場便顯示他們實際綵排嘅時間可能不多，錯誤頻出，除咗有「甩碌」嘅情況出現外，更有嚇親一眾鏡粉嘅驚險畫面，令網民大感不滿！
MIRROR演唱會甩碌 機關失靈AK險跌
有鏡粉去完MIRROR第一場演唱會之後上網憤斥舞台機關出錯，當時AK企喺高台上跳舞，突然架空台突然搖晃，好彩AK反應快先至穩定重心無跌，令人覺得呢場演唱會真係12子搵命博嘅演出。其實喺演唱會前夕Dancer們已經紛紛放負，只收到指示要執生，更指單位監製罔顧人命，而AK又係IG stories暗示有人疏忽，已經唔係第一次出事。
升降台延誤姜濤勁尷尬？網民：趕交功課咁 演唱會定綵排？
另外喺Mirror演唱會《BOSS》一曲嘅時候，懷疑因為升降台失靈，音樂播出大概30秒後仍不見12子蹤影，甚至已經聽到歌聲，升降台先慢慢上嚟，可能各成員有少少措手不及，可見姜濤面部表情非常尷尬，亦因為有其中部份成員未能以升降台出現，唯有使用其他途徑上台方可配合舞蹈，台上成員唯有行行企企，再加上燈光毫無變化，網民極度不滿，大鬧都唔知係舞台效果抑或係綵排緊。
最令網民不滿係演唱會票價不菲，但明顯睇得出主辦單位安排欠妥，眼高手低，除咗機關操作未見熟練之外，最主要都係準備不足，令人覺得演唱會好似趕住交功課咁，狀態散亂。其中一位排舞老師Rock Sir己即時喺IG回應，表示已與幕後團隊積極溝通，希望唔會再有危險情況出現 。希望製作單位以第一場表現作為借鏡，演唱會如下11場將會越做越好！
Mirror第一場演唱會發生咩事？
機關失靈， 升降台次次未上…詳情
網民點睇？
網民認為主辦單位安排欠佳，綵排不足…詳情
圖片來源：LIHKG, YT@Viu1 HK, IG@_kisang_, [email protected]資料或影片來源：https://www.youtube.com/watch?v=ScyE3ydnlag&t=1s&ab_channel=Viu1HK
