皮膚暗啞原來關污染事？5個一定要識抗污染護膚法！＠Miss Sunny

Presented by：Fresh

坐言起行！即學5個抗污染護膚法

雖然人類喺地球咁渺小，但又唔係無辦法對抗污染嘅，只要你識得呢５個方法，就可以幫皮膚盡力避開污染源，令皮膚時刻都咁令咁sharp!

1 . 早晚勤力清潔

無論想改善肌膚哪種問題，第一個步驟必係「清潔」！早、晚都要勤力做足清潔工夫，將肌膚表面同毛孔入面啲污染物、灰塵一一清除，若出入「高污染地區」，更要加倍清潔。卸妝、洗面最好分開進行，咁至清潔得夠徹底，鼻翼兩側、髮鬢邊緣位置、下巴都係「污染高危地區」，記住要密密打圈清潔！加埋每星期一至兩次去角質及深層清潔工夫，皮膚就夠晒乾淨無污染！

2 .必用最強抗污染成分紅茶酵素

紅茶酵素（Kombucha）係近年最熱門嘅抗污染成分，喺日本及歐美都非常流行。紅茶酵素入面嘅益生菌可改善消化系統、內分泌等問題，仲可淨化血液、降低膽固醇，亦可紓緩皮膚過敏及濕疹功效。內含嘅茶多酚更具高效抗氧能力，可以延長細胞壽命，效用比未經發酵的茶類更高。有人會自製「紅茶酵素」，想更方便當然係用蘊含紅茶酵素嘅護膚品，就如Fresh紅茶酵素抗污染精華水。內含Kombucha紅茶酵素，能有效抑制污染物，及中和加速皮膚老化嘅自由基，咁皮膚就唔怕污染傷害皮膚。

3 . 早上必搽高效防曬霜

搽防曬可以抗污染，幫皮膚減少接觸到污染物。而且紫外線係污染嘅源頭之一，為免皮膚受紫外線傷害而暗啞缺水，做足防曬工夫就最緊要。最好選用防曬指數較高嘅護膚品，亦要用足夠嘅分量搽勻全面，要留意眼部皮膚及唇部肌膚都需要防曬，全效保護最安全。

4 . 常吃可抗污染食物

識得避開污染物固然緊要，但加強自身免疫力同樣重要。可多吃含抗污染功效成分嘅食物，如維他命C、E、輔酶Q10、綠茶素、蝦紅素等，平日可多吃深綠色和橙黃色蔬菜，好似番茄、提子等，入面嘅胡蘿蔔素可以提高免疫力，飲紅茶及綠茶都可以抗污染兼抗氧化，對皮膚甚有益處呀！

5 . 留意空氣污染指數

最基本嘅抗污染方法當然係遠離污染源，外出時要留意空氣污染指數，亦應避免吸煙及去人多煙多嘅地方，減少逗留喺戶外嘅時間。去過灰塵較多嘅地方要即時用噴霧及紙巾清潔皮膚表面，減少污染物阻塞毛孔嘅機會。