太古廣場 新優惠　Tasting Menu價試勻餐廳招牌菜

太古廣場 飲食優惠 12間餐廳任揀

當日我同男朋友訂咗Plat du Jour食法國菜，餐廳係食經典法式料理同傳統家常美食，平時叫個Lunch set都差唔多要$200，依家$250就有3個courses。而且呢度環境和裝修都唔錯，坐得又舒服，加分！法式洋葱湯醇厚香濃，主菜揀咗香煎鯛魚柳伴薯蓉，魚肉嫩滑，最後食埋法式焦糖蘋果撻配雲呢拿雪糕，好滿足。太多選擇唔知點揀？等我分享埋我嚟緊會去嘅4間餐廳畀大家啦！

影相呃like特色點心：Dim Sum Library

我下個目標就係去Dim Sum Library，今年新開都仲未去食，呢間餐廳裝潢走復古風，仲有張麻雀枱㖭！今次個Tasting Menu就可以一次過食幾款佢哋嘅招牌菜，好似黑松露蝦餃、擔擔湯包同雲南黑菌手撕脆皮雞，唔係度度有得食，上網都有唔少人大讚！

南加州美食：Commissary

一間走南加州風嘅餐廳，店入面有好多植物做裝飾。食漢堡、薯條同烤雞呢類南加州美食，上網睇過佢哋連燒烤醬、辣醬都係自製。呢次Tasting Menu $250就可以食到6個Courses，選擇都幾多，包括香炸墨西哥青椒釀芝士、香炸走地雞腿黃糖窩夫同辣椒汁香醃牛扒等，可以一次過滿足我多個願望！

泰國Nara概念店：Apinara

Nara係泰國好出名，而呢間就係Nara喺香港開嘅概念品牌店。除咗Nara經典招牌泰菜之外，呢度仲有唔少香港限定菜式同獨家嘅泰式雞尾酒。今次嘅Tasting Menu就有齊泰式小食拼盤、冬蔭公同咖喱等選擇，唔少朋友都讚佢哋個咖喱香濃惹味，係我最期待嘅一個dish！

米芝蓮名廚主理：Bizou

最後一間都係食美菜，由米芝蓮名廚Magnus Hansson主理，奉行Farm to table理念，用時令食材炮製出不同菜式。不單食材新鮮，連擺碟都一樣好講究，大家可以影相呃like！我睇過佢哋嘅menu，不論前菜定主菜都一樣吸引，前菜可以揀蘆筍沙律或香煎鵝肝，主菜就係焗三文魚及美國USDA肉眼扒二選一，如果想飲酒仲可以加$188加配葡萄酒，都啱同另一半嚟。

再送Dalloyau $50 Coupon＋限量版橄欖油套裝

食完之後，去L2層服務台出示確認訂座嘅電郵和當日電子收據，仲可以換Dalloyau $50 Coupon！如果你好似我咁係頭250枱享用呢個優惠，仲能夠換多set限量嘅橄欖油套裝，大家快啲把握機會，預約呢個Tasting Menu喇！

12間指定餐廳：
Apinara
Bizou
Caviar House & Prunier
Commissary
Dim Sum Library
Le Pain Quotidien
Peking Garden
Plat du Jour
Shiro
Tea WG Salon & Boutique

Tien Yi Chinese Restaurant
The Continental

地址：金鐘金鐘道88號太古廣場（顯示地圖）
優惠日期：即日起至11月5號
詳情：https://goo.gl/GHeHBb
備註：必須以FeedMe Guru預訂