【必吃點心店】性價比高 百分百香港新鮮製造
廣東點心對每位香港人來說，總有種情意結！得到2019年「最回味食府金獎」同「必吃點心店」嘅「唐記包點」絕對係實至名歸，其分店遍佈香港、九龍同新界，而同系列品牌，設於港鐵沿線嘅「唐包點」，更方便了不少上班族及學生哥，分店數目足已證明其受歡迎程度！「唐記」自家出品近40款蒸包、點心同蒸飯，每款都係百分百香港即日製造，用健康蒸法及優質食材造出高質中式包點; 蒸包足料夠份量、中式點心考功夫、原盅蒸飯講究有要求，最重要係價格極之相宜，只需數元起就可品嘗到即日新鮮製作的高質包點，性價比極高！
原汁原味港式蒸包
「唐記」招牌作一定係港式蒸包，鹹包及甜包類多達20款選擇，每款都獨當一面，嚴選高質靚食材每日新鮮製成。鹹包類推介有叉燒包，叉燒自家燒製，有獨特的燒烤香味；菜肉包用鮮甜椰菜及嫩滑豬肉，以黃金比例自家製成，肉嫩多汁。甜包類必食有香滑奶皇包，不得不提番薯包同芋頭包，都係用原隻番薯同芋頭，每日新鮮打成蓉製成餡料，香甜軟滑，真材實料！
中式點心巧手有心思
「一盅兩件」點少得點心系列呢？「唐記」點心即日新鮮製成，巧手又有心思，啖啖蝦肉豬肉又夠彈牙嘅燒賣、足料鮮竹卷、山竹牛肉、懷舊鵪鶉蛋燒賣、秘製金錢肚、蝦餃皇及雞扎，全部都係香港人至愛。而CP值極高嘅食品，非足料糯米雞莫屬! 餡料內有齊雞翼、自家燒製叉燒、鹹蛋黃、豬肉碎同冬菇，份量十足，絕對係大滿足之選！
高質原盅蒸飯 推一套12張超值飯券
盅頭蒸飯係飲茶嘅集體回憶，「唐記」特別揀選頂級泰國香米，款式全部係香港人熟悉味道，首推必食有招牌鳳爪排骨飯，製作過程繁複講究：鳳爪特別塗上麥芽糖先炸脆，再經過蒸燉，難怪食落口感爽脆、味道濃郁；而排骨就選用了肥瘦均勻嘅肋排，並用多種秘方香料醃至完全入味，食落每口排骨口感多層次、肉汁豐富。還有不能錯過嘅北菇雞飯，原粒香菇同鮮嫩雞髀肉，啖啖肉質嫩滑有質素。除此之外，仲有豉椒排骨飯、章魚肉餅飯、梅菜肉餅飯及鹹蛋肉餅飯等，同樣每日新鮮製造。
「唐記包點」更推出一套12張嘅蒸飯禮券，每套$260，即每盅蒸飯只係$21.7，有效期為3年，用超值價錢就食到高質蒸飯，絕對係蒸飯Fans 嘅福音！
自家品牌港式飲品
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
