小朋友麵包跌落地惡媽當場狠摑2巴！大鬧：「話咗你拎唔到！」｜網絡熱話

新假期 - 影視

Sep 25 2021

廣告

去麵包舖買麵包，是不少家庭閒時會做的事。相信有唔少人見過有父母大街大巷鬧仔，好多時都會諗：「有咩返屋企先教啦！」有網民投稿至生仔要考牌系列Facebook專頁，憶述喺麵包店見到阿媽打仔，究竟係咩事呢？

撰文：Evita｜圖片：新傳媒圖片庫、劇照、生仔要考牌系列Facebook

6歲仔唔小心整跌麵包惡媽當場狠摑兼大鬧

有網民投稿至Facebook專頁，指有日下晝去屋企樓下麵包店買麵包，揀緊麵包時見到有個媽媽帶住對大約6歲仔同4歲女買麵包。網民指當時仔仔主動要求幫媽媽拎托盤，而媽媽即刻將個托盤畀阿仔拎。

網民續話：「嗰個麵包托盤對於一個6歲左右嘅細路嚟講唔算容易拎，更何況目測盤上面擺咗3-4件麵包。」

點知唔夠10秒，小朋友就整跌兩件麵包落地。

阿媽見狀即刻打咗個仔兩巴：「都話咗你拎唔到啦！」

（圖片來源：劇照） — 而家有唔少父母都會當街當巷鬧仔女。（圖片來源：劇照）

網民話阿仔大喊衝出舖頭，而舖頭外係有條好多車出入嘅馬路，不過阿媽竟然望都唔望個仔，一手搶咗個托盤後繼續揀麵包。

（圖片來源：新傳媒資料室） — 大托盤其實連大人有時都拎唔穩。（圖片來源：新傳媒資料室）

網民話當時麵包舖老闆娘仲話唔緊要唔計佢哋錢，叫伙記掃走兩件麵包就算。但係阿媽無道歉之餘又完全唔理阿仔安全，畀完錢後拖住個女走，而仔仔就喊住跟尾，舖頭客人同老闆娘仲要比呢個阿媽更擔心仔仔安全。

（圖片來源：新傳媒資料室） — 老闆娘已經唔收錢，都唔搵返自己個仔。（圖片來源：新傳媒資料室）

網民大鬧惡媽無體諒

投稿引嚟唔少網民留言鬧爆該名媽媽，有人就話「大人都會整跌嘢啦」、「難道所有人一出世就自動識？」等等，仲有人鬧佢不顧兒仔安全，認真癡線。

（圖片來源：Facebook） — 小朋友容易犯錯，只要教識佢哋即可。（圖片來源：Facebook）

（圖片來源：Facebook） — 有網民認為唔使用打嚟罰小朋友。（圖片來源：Facebook）

（圖片來源：Facebook） — 只要小朋友肯學，大人應該要教。（圖片來源：Facebook）

撰文：Evita｜圖片：新傳媒圖片庫、劇照、生仔要考牌系列Facebook

關鍵詞